معروف سٹیج ڈانسر ندا چوہدری کی گاڑی پر مبینہ قاتلانہ حملے کا ڈرامائی موڑ، دونوں گرفتار ملزمان کو ضمانت پر رہائی مل گئی!
معروف سٹیج ڈانسر ندا چوہدری کی گاڑی پر مبینہ قاتلانہ حملے کا ڈرامائی موڑ، دونوں گرفتار ملزمان کو ضمانت پر رہائی مل گئی!
فائرنگ، گاڑی کا ٹائر برسٹ، مقدمہ قتل کی کوشش کے الزامات پر درج، عدالت نے دونوں ملزمان کی بعد از گرفتاری ضمانت منظور کر لی۔
فیصل آباد: معروف سٹیج ڈانسر ندا چوہدری کی گاڑی پر مبینہ قاتلانہ حملے کے ہائی پروفائل مقدمے میں اہم قانونی پیش رفت سامنے آگئی۔ سینئر سول جج (کریمنل ڈویژن) فیصل آباد جناب چوہدری امیر احمد نے دونوں گرفتار ملزمان کی بعد از گرفتاری ضمانت کی درخواستیں منظور کر لیں۔
تفصیلات کے مطابق تھانہ پیپلز کالونی فیصل آباد میں مقدمہ نمبر 1284/26 مورخہ 31 اکتوبر 2026ء کو دفعات 324، 440 اور 34 تعزیرات پاکستان کے تحت درج کیا گیا تھا۔
مدعیہ ندا چوہدری کے مطابق وہ سٹیج ڈرامہ ختم کرکے ہوٹل کی جانب جا رہی تھیں کہ راستے میں موٹر سائیکل سوار دو نامعلوم افراد نے مبینہ طور پر ان کی گاڑی پر فائرنگ کر دی، جس سے گاڑی کا ٹائر برسٹ ہوگیا اور گاڑی کو نقصان پہنچا۔
پولیس تفتیش کے دوران دونوں ملزمان کو مقدمے میں نامزد کرکے گرفتار کر لیا گیا تھا۔ بعد ازاں ملزمان کی جانب سے معروف قانون دان چوہدری عمر دراز بھٹہ ایڈووکیٹ ہائی کورٹ نے عدالت میں مؤثر قانونی پیروی کرتے ہوئے دلائل پیش کیے۔
فریقین کے دلائل سننے اور مقدمے کے ریکارڈ کا جائزہ لینے کے بعد عدالت نے 12 نومبر 2026ء کو دونوں ملزمان کی بعد از گرفتاری ضمانت منظور کر لی۔
اس موقع پر چوہدری عمر دراز بھٹہ ایڈووکیٹ ہائی کورٹ کا کہنا تھا کہ قانون کی بالادستی، شہریوں کے حقوق کے تحفظ اور انصاف کی فراہمی کے لیے اپنی پیشہ ورانہ ذمہ داریاں ادا کرتے رہیں گے۔
اہم وضاحت: ضمانت کی منظوری مقدمے سے بریت نہیں، بلکہ عدالتی کارروائی کے دوران رہائی کا حکم ہے۔ مقدمے کا حتمی فیصلہ ابھی باقی ہے۔
