قصور
تحصیل چونیاں میں ٹرک اور ٹریکٹر میں تصادم، نوجوان ڈرائیور جاں بحق
تفصیلات کے مطابق قصور کی تحصیل چونیاں میں برادرز شوگر مل چونیاں کے قریب مرغیوں سے لدا ایک ٹرک ٹریکٹر سے ٹکرانے کے بعد بے قابو ہو کر سڑک کنارے درخت سے جا ٹکرایا جس کے نتیجے میں 18 سالہ ٹرک ڈرائیور جاں بحق ہو گیا
ریسکیو 1122 کے مطابق کنٹرول روم کو حادثے کی اطلاع موصول ہونے پر تین امدادی گاڑیاں فوری طور پر موقع پر روانہ کی گئیں ابتدائی تحقیقات میں معلوم ہوا کہ ڈرائیور کو دورانِ سفر نیند آنے کے باعث ٹرک پہلے ایک ٹریکٹر سے ٹکرایا جس کے بعد وہ بے قابو ہو کر درخت سے جا ٹکرایا
حادثے کے نتیجے میں ٹرک ڈرائیور ثاقب ولد محمد بوٹا بعمر عمر 18 سال موقع پر ہی دم توڑ گیا
متوفی کی لاش ٹرک کے کیبن میں پھنس گئی تھی جسے ریسکیو اہلکاروں نے آپریشن کے بعد نکال لیا
ٹریفک پولیس قصور و ریسکیو 1122 نے ڈرائیوروں سے اپیل کی ہے کہ دورانِ سفر تھکاوٹ یا نیند محسوس ہونے کی صورت میں گاڑی روک کر آرام کریں تاکہ قیمتی انسانی جانوں کو حادثات سے محفوظ رکھا جا سکے
رپورٹ غنی محمود قصوری
ڈویژنل بیورو چیف باغی ٹی وی
بیورو چیف دعا نیوز
کونسل ممبر ڈسٹرکٹ پریس کلب قصور
ممبر اتحاد میڈیا کونسل پاکستان
#قصوریات
