بہاولنگر سے بیوروچیف کی رپورٹ کے مطابق وزیر اعلیٰ پنجاب مریم نواز شریف کی ہدایت پر ڈپٹی کمشنر بہاولنگر نے جامع مسجد بلدیہ رفیق شاہ چوک میں کھلی کچہری کا انعقاد کیا۔ اس موقع پر ایڈیشنل ڈپٹی کمشنر ریونیو آفتاب
بہاولنگر سے بیوروچیف کی رپورٹ کے مطابق
وزیر اعلیٰ پنجاب مریم نواز شریف کی ہدایت پر ڈپٹی کمشنر بہاولنگر نے جامع مسجد بلدیہ رفیق شاہ چوک میں کھلی کچہری کا انعقاد کیا۔ اس موقع پر ایڈیشنل ڈپٹی کمشنر ریونیو آفتاب حسین، اسسٹنٹ کمشنر بہاولنگر نعمان احمد ،ایس پی انویسٹیگیشن سید جمشید شاہ، ڈی ایس پی ہیڈ کوارٹر ، ڈی ایس پی ٹریفک محمد واصف متعلقہ محکموں کے افسران اورسائلین موجود تھے۔ڈپٹی کمشنر بہاولنگر نے کھلی کچہری میں موصول ہونے والی شکایت کے حل کے لئے احکامات جاری کیے۔انہوں نے محکمہ ریونیو کے افسران کو ہدایت کی کہ لوگوں کے ریونیو سے متعلق مسائل اوپن ڈور پالیسی کے تحت حل کئے جائیں۔ڈپٹی کمشنر نے کھلی کچہری میں آئے ہوئے سائلین کے مسائل سنے اور ان کے حل کے لیے موقع پر ہی احکامات جاری کئے۔انہوں نے تنبیہ کی کہ عوامی مسائل کے حل کے لئے کسی بھی قسم کی غفلت پر سخت ایکشن لیا جائے گا۔
