انیس سو نوے کی دہائی میں، یورپی کھیلوں کی دنیا میں ایک نام جگمگا رہا تھا ایلینا گولیاکوفا
انیس سو نوے کی دہائی میں، یورپی کھیلوں کی دنیا میں ایک نام جگمگا رہا تھا ایلینا گولیاکوفا
روس کی یہ نازک سی لڑکی برف پر کچھ ایسے تیرتی جیسے تتلی ہو
جس کے ہر انداز میں طاقت بھی تھی اور نرمی بھی
لوگ اس کے رقص پر جھومتے اور اس کے حسنِ حرکت کے قائل ہو جاتے
ایسا لگتا جیسے وہ اسی برف کے لیے پیدا ہوئی ہو
مگر قسمت کے پاس کچھ اور ہی لکھا تھا
سن 2000 میں وہ اپنے شوہر اور کوچ نکولائی کے ساتھ روس چھوڑ کر ایک انوکھا خواب لیے میکسیکو چلی گئی
شہر تھا مونٹیری جہاں لوگوں نے کبھی برف پر رقص دیکھا ہی نہ تھا
وہاں دونوں نے ایک اکیڈمی بنائی
چھوٹے چھوٹے بچے اس جادوئی کھیل سے پہلی بار واقف ہوئے
یوں انہوں نے ایک نئی دنیا کی بنیاد رکھی
لیکن خواب ہمیشہ چمکدار نہیں رہتے
چند سالوں بعد اکیڈمی بند ہو گئی
2006 میں ان کا طلاق ہوا — ایک ایسا زخم جس نے دل چیر دیا
اور رفتہ رفتہ اس چمکتے چہرے پر اداسی چھانے لگی
پھر 2010 ایک اندوہناک خبر لایا:
پیرانائیڈ اسکزوفرینیا (ذہنی بیماری) کی تشخیص
ایک بیماری جس نے اس کے دماغ کو جکڑ لیا
خیالات بکھر گئے
وہ توازن جو اس کی شناخت تھا، چھن گیا
لوگوں کی نظر میں وہ ایک چمکتی ہوئی چیمپئن نہیں رہی
بلکہ ایک ایسی عورت بن گئی جو اپنے ہی اندر ایک طوفان سے لڑ رہی ہے
آج وہ نہ کسی سٹیج پر ہے، نہ کسی ٹریننگ روم میں
بلکہ میکسیکو کی ریاست Jalisco کے شہر Tepatitlán کی گلیوں میں ایک پرانی ٹھیلا لیے گھومتی ہے
اس ٹھیلے میں کچھ پرانے سامان اور اس کے پالتو جانور — یہی اس کی دنیا ہیں
لوگ اسے جانتے ہیں
بکھرے بال، کھوئی ہوئی نظریں، روسی یا انگریزی میں بڑبڑاہٹ
اکثر مدد کرنے کی کوشش کی جاتی ہے مگر وہ ڈر جاتی ہے
کبھی زبان کی دیوار آڑے آتی ہے، کبھی خوف جو بیماری نے دل میں بھر دیا
ایلینا کی کہانی ایک شہزادی سے فٹ پاتھ پر سونے والی عورت کی کہانی ہے
ایک وقت تھا جب اس کے لیے تالیوں کی گونج ہوتی تھی
اور اب وہ تنہا اور بے سہارا ہے۔