November 16, 2026

*فاروقؓ اعظم کا وعدہ __!!*

20250707_144057

*فاروقؓ اعظم کا وعدہ __!!*

ایران کا مشہور سپہ سالار ہرمزان قیدی بنا کر حضرت عمر فاروقؓ کے پاس لایا گیا ، آپ نے اسے اسلام قبول کرنے کی دعوت دی ، جسے اُس نے ٹھکرا دیا ، حضرت عمرؓ نے حکم دیا کہ اسے قتل کر دیا جائے کیونکہ اس نے اسلام کو بہت نقصان پہنچایا تھا ۔

☜ جب اس کے قتل کی تیاری ہوگئی تو اس نے حضرت عمرؓ کی جانب دیکھ کر کہا: میں پیاس سے نڈھال ہوں ، کیا ایسا ممکن ہے کہ مجھے قتل کرنے سے پہلے پانی پلا دیا جائے۔

☜ حکم ہوا کہ اسے پانی پلایا جائے ۔ ہرمزان نے پانی کا پیالہ ہاتھ میں لیا اور عمرؓ سے کہنے لگا کہ یہ پانی جو میرے ہاتھ میں ہے ، اسے پینے تک آپ مجھے قتل نہیں کریں گے نا؟

☜ فرمایا: ہاں! جب تک تم پانی نہیں پیو گئے، تمہیں قتل نہیں کیا جائے گا ۔ اس نے جلدی سے پانی کو نیچے گرا کر ضائع کر دیا اور کہنے لگا کہ امیر المومنین! دیکھیئے آپ نے وعدہ کیا ہے، سو اب پورا کیجئے ، حضرت عمرؓ نے کہا کہ تمہیں قتل کرنے سے فی الحال رک جاتے ہیں ۔ میں تمہارے معاملے میں غور وفکر کروں گا ۔ پھر جلاد کو تلوار ہٹانے کا حکم دیا تبھی اس نے بلند آواز میں پکارا ۔،

☜ اَشھدُو ان لَّا اِلہَ اِلَّا اللہ وَاشھد اَنَّ مُحَمّدًا رَسولُ اللہ ۔
☜ حضرت عمرؓ نے فرمایا کہ اسلام لے آئے ہو ، اچھا کیا، اچھا یہ تو بتاؤ جب میں تمہیں اسلام کی دعوت دی تھی ، تب تم نے قبول کیوں نہ کیا؟

☜ اس نے کہا: کہ مجھے اس بات کا ڈر تھا کہ اگر اس وقت اسلام قبول کرتا تو میرے بارے میں کہا جاتا کہ موت سے گھبرا کر اسلام قبول کیا ہے۔

☜ حضرت عمر فاروقؓ نے فرمایا:-

☜ عُقُولُ فَارِسَ تَزِنُ الجبال ۔؛

☜ ترجمہ: “اہل فارس کی عقلیں پہاڑوں جیسی ہیں۔”

☜ مراد یہ کہ یہ بڑے عقل مند و دانا ہیں، ان کی عقلیں عظیم الشان ہیں۔

*📖 (سنہرے اوراق ص:31)​*