November 16, 2026

غزہ پٹی میں اسرائیلی فائرنگ سے مزید 30 افراد ہلاک

IMG-20250619-WA0157

غزہ پٹی میں اسرائیلی فائرنگ سے مزید 30 افراد ہلاک

غزہ پٹی کی سول ڈیفنس ایجنسی نے بدھ کے روز بتایا کہ اس فلسطینی علاقے میں اسرائیلی فائرنگ کے نتیجے میں مزید تیس افراد ہلاک ہو گئے۔ بتایا گیا ہے ہلاک شدگان میں سے گیارہ ایسے تھے، جو امداد حاصل کرنے کی کوشش کر رہے تھے۔

حماس کے زیر انتظام کام کرنے والی سول ڈیفنس ایجنسی کے ترجمان محمود بسال نے نیوز ایجنسی اے ایف پی کو بتایا کہ اسرائیلی فوج نے خوراک حاصل کرنے کی خاطر قطار میں کھڑے ہزاروں افراد پر فائرنگ کی اور کئی شیل بھی داغے۔ اسرائیلی فوج نے اے ایف پی کو بتایا کہ وہ اس واقعے کی تحقیقات کر رہی ہے۔

سول ڈیفنس ایجنسی کے مطابق بدھ کو اسرائیل کے تین فضائی حملوں کے نتیجے میں انیس افراد ہلاک ہوئے۔ دعویٰ کیا گیا ہے کہ ان حملوں میں مکانات اور بے گھر افراد کے خیموں کو نشانہ بنایا گیا۔