November 16, 2026

اسراٸیل پر حملہ ناممکن

IMG-20250419-WA0091

اسراٸیل پر حملہ ناممکن
‏جذبات اپنی جگہ، لیکن حقیقت یہ ہے کہ پاکستان کا اسرائیل پر حملہ بین الاقوامی قوانین، جغرافیائی حدود اور تکنیکی حقائق کے باعث ممکن نہیں۔
1فضائی حدود اور جغرافیائی رکاوٹیں:

◦پاکستان سے اسرائیل تک براہِ راست حملہ کسی بھی راستے سے ممکن نہیں جب تک متعلقہ ممالک (ایران، عراق، اردن یا سعودی عرب) اپنی فضائی حدود استعمال کرنے کی اجازت نہ دیں۔ ان میں سے بیشتر ممالک یا تو نیوٹرل ہیں یا امریکی اثر میں ہیں۔

◦اردن میں امریکی فوجی اڈے موجود ہیں، جو کسی بھی ایسی سرگرمی کو فوراً روکنے کی صلاحیت رکھتے ہیں۔

2فضائی حملہ:

◦پاکستان کے F-16 یا JF-17 جیسے طیارے اسرائیل تک براہِ راست پرواز نہیں کر سکتے۔

◦انہیں راستے میں ریفوئلنگ (In-Air Refueling) درکار ہوتی ہے، جو تبھی ممکن ہے جب دوست یا نیوٹرل ممالک سہولت دیں — جو فی الحال ممکن نہیں۔

3میزائل حملہ:

◦بیلسٹک میزائل حملہ بھی اسی جغرافیائی پابندی کا شکار ہوگا۔
◦پاکستان کے زیادہ تر میزائل اسرائیل تک پہنچنے کی رینج نہیں رکھتے، اور جو رکھتے ہیں (مثلاً شاہین III)، انہیں درمیانی فضائی حدود سے گزرنا پڑے گا — جو عالمی قوانین کے مطابق دوسرے ممالک کی اجازت کے بغیر ممکن نہیں۔

4ایٹمی ہتھیار؟

◦اسرائیل ایک انتہائی چھوٹا ملک ہے، اور اس پر ایٹمی حملہ نہ صرف فلسطینیوں کو بلکہ ارد گرد کے مسلمان ممالک(لبنان، اردن، مصر) کو بھی تباہی سے دوچار کر دے گا۔

◦ایٹمی حملے کا مطلب عالمی ردِعمل، مکمل سفارتی تنہائی، اور پاکستان پر سخت ترین پابندیاں ہوں گی — جو خودکشی کے مترادف ہے۔

عرب ممالک نے خود امریکہ کو اتنا طاقتور بنایا ہے ڈالر میں تجارت کرکے تو اکیلا پاکستان کس کس سے لڑے پھر بھی ہم سے جو ہوسکے وہ کررہے ہیں۔