*رپورٹ: ڈاکٹر ایم لال واگھانی* *سرگودھا: انٹرنیشنل ہیومن رائٹس موومنٹ کو مضبوط بنانے کا عزم، سینکڑوں افراد کی شرکت*
*رپورٹ: ڈاکٹر ایم لال واگھانی*
*سرگودھا: انٹرنیشنل ہیومن رائٹس موومنٹ کو مضبوط بنانے کا عزم، سینکڑوں افراد کی شرکت*
*سرگودھا:*
رانا بشارت علی خان کے وژن “انسانیت کی خدمت” اور انسانی حقوق کے تحفظ کے مشن کے تحت *انٹرنیشنل ہیومن رائٹس موومنٹ جنیوا* دنیا بھر میں مظلوموں کی آواز بن کر سرگرمِ عمل ہے۔
سرگودھا میں انٹرنیشنل ہیومن رائٹس موومنٹ کے زیر اہتمام ایک بڑے اجتماع کا انعقاد کیا گیا۔ اجتماع میں *سینکڑوں کارکنان، سول سوسائٹی کے نمائندگان اور اقلیتی برادری* کے افراد نے شرکت کی۔
اجتماع کے دوران متفقہ طور پر *چودھری شہزاد طارق* کو انٹرنیشنل ہیومن رائٹس موومنٹ کا *نومنتخب ڈویژنل صدر سرگودھا* منتخب کیے جانے پر خراجِ تحسین پیش کیا گیا۔ شرکاء نے عزم ظاہر کیا کہ وہ سرگودھا کو انسانی حقوق کی تحریک کا ایک مضبوط، فعال اور مثالی مرکز بنائیں گے۔
*اہم خطابات*
اس موقع پر مقررین نے رانا بشارت علی خان کے انسانی حقوق کے لیے جاری جدوجہد کو خراجِ عقیدت پیش کیا اور کہا کہ ہمارا مقصد معاشرے کے *مظلوم، محروم اور کمزور طبقات* کی آواز بن کر انہیں انصاف دلانا ہے۔
شرکاء نے کہا کہ “انسانی حقوق کا تحفظ صرف ایک ذمہ داری نہیں بلکہ پوری انسانیت کی مشترکہ جدوجہد ہے۔ خدمتِ انسانیت کے مشن کو ہر سطح پر مزید مؤثر اور منظم بنایا جائے گا۔”
*صوبہ سندھ قیادت کا خراجِ تحسین*
اجتماع سے خطاب کرتے ہوئے *انٹرنیشنل ہیومن رائٹس موومنٹ جنیوا – پاکستان، مینارٹی ونگ صوبہ سندھ* کے وفد نے چیئرمین *جناب رانا بشارت علی خان* کی خدمات کو سراہا۔
*ڈاکٹر ایم لال واگھانی*، سیکریٹری جنرل مینارٹی ونگ صوبہ سندھ نے کہا:
“چیئرمین رانا بشارت علی خان انسانی حقوق کے عَلمبردار ہیں۔ وہ مظلوموں کے لیے ایک پہچان اور شان ہیں۔ ہم ان کے ویژن کے ساتھ قدم سے قدم ملا کر اپنے منشور پر عمل پیرا رہیں گے۔”
*آفاق یوسف*، صدر مینارٹی ونگ صوبہ سندھ نے کہا کہ سندھ بھر میں بھی اسی جذبے کے ساتھ انسانی حقوق کی تحریک کو آگے بڑھایا جائے گا۔
اجتماع کے اختتام پر ملک میں امن، رواداری، انصاف اور انسانی حقوق کے تحفظ کے لیے خصوصی دعا بھی کی گئی۔
