عمرکوٹ رپورٹ ڈاکٹر ایم لال واگھانی بیوروچیف سندھ بلوچستان
سینئر صحافی اور ٹنڈو جام پریس کلب کے جنرل سیکریٹری گلزار سرگانی کے خلاف منشیات مافیا کی جانب سے پیکا ایکٹ کے تحت مقدمہ درج کیے جانے کے خلاف سندھ بھر کے صحافیوں میں شدید غم و غصہ پایا جاتا ہے۔
اطلاعات کے مطابق ٹنڈو جام پولیس نے منشیات مافیا کے خلاف خبریں نشر کرنے پر ناراض ہوکر سینئر صحافی اور ٹنڈو جام پریس کلب کے جنرل سیکریٹری گلزار سرگانی پر پیکا ایکٹ کے تحت مقدمہ درج کیا ہے۔
اس عمل کے خلاف مختلف پریس کلبوں اور صحافتی تنظیموں کے صحافیوں نے شدید احتجاج کرتے ہوئے اس مقدمے کو آزادیٔ صحافت پر حملہ قرار دیا ہے۔ صحافی رہنماؤں کا کہنا ہے کہ پیکا قانون کو ورکنگ جرنلسٹس کے خلاف ہتھکنڈے کے طور پر استعمال کرنا قابلِ مذمت ہے اور اس طرح صحافیوں کو سچ بولنے سے نہیں روکا جا سکتا۔
صحافی برادری نے آئی جی سندھ سے مطالبہ کیا ہے کہ مقدمہ درج کرانے والے فریادی کے پس منظر کی شفاف تحقیقات کرائی جائیں، بے گناہ صحافی کے خلاف درج مقدمہ فوری طور پر ختم کیا جائے اور گلزار سرگاڑی کو انصاف فراہم کیا جائے۔
8
