چشتیاں شریف وطن عزیز سے محبت الفت اور وفاداری کا حقیقی اندازہ بیرون ملک ہوتا ہے لیکن جب انسان مکہ مکرمہ خانہ کعبہ اور مدینہ منورہ روضہ رسول صلی اللہ علیہ والہ وسلم کا سفر کرتا ہے تو ہر جگہ اپنائیت محسوس ہوتی ہے امت مسلمہ جن مسائل کا شکار ہے امت مسلمہ کے مسائل کا حل امت کے اتحاد اتفاق اور یکجہتی میں ہے ایک مسلمان ملک کا دفاع عالم اسلام کا دفاع تصور کرنے کی ضرورت ہے رب ذوالجلال امت مسلمہ کی معاشی سیاسی اور دفاعی مشکلات کا خاتمہ فرما کر فولادی طاقت عطا فرمائے۔ ان خیالات کا اظہار معروف سیاسی اور سماجی شخصیت ملک ناصر نمبردار سابق وائس چیئرمین بلدیہ نے عمرہ کی ادائیگی کے بعد گفتگو کرتے ہوئے کیا سابق وائس چیئرمین بلدیہ نے کہا پاکستان جیسے ترقی پذیر ملک میں عوام معاشی اور کاروباری پریشانی کا شکار ہیں خط غربت سے نیچے زندگی گزارنے والے لوگوں کی تعداد بڑھ رہی ہے عالمی معاشی بدحالی نے ہماری معاشی پریشانیوں میں مزید اضافہ کر دیا ہے غلاف کعبہ تھام کر اور روزہ رسول صلی اللہ علیہ والہ وسلم کی جالیوں کے پاس پاکستان بالخصوص پاکستانی عوام کے مسائل کے حل کے لیے گڑ گڑا کر دعائیں مانگی ہیں رب ذوالجلال تمام دعاؤں کو مستجاب فرمائے ملک ناصر نمبردار نے کہا دنیا بھر کے اسلامی ممالک آپس کے گروہی اور مسلکی اختلافات کی بدولت بھی اپنی پریشانیوں میں اضافہ کیے ہوئے ہیں استعماری اور استحصالی قوتیں عالم کفر کے ساتھ مل کر اسلامی ممالک کا وجود برداشت کرنے کو تیار نہیں ایک ایک کر کے اسلامی ممالک پر بربریت جارحیت کر کے انفراسٹرکچر تباہ و برباد کر دیا گیا کل افغانستان اور عراق کی باری تھی آج ایران پر جارحیت کی جا رہی ہے کل کسی اور اسلامی ملک کی باری ہوگی خانہ کعبہ اور روضہ رسول صلی اللہ علیہ والہ وسلم کے صدقے سے رب العالمین عالم اسلام کو اتحاد اتفاق اور یکجہتی عطا فرمائے. ترتیب خالد محمود ہاشمی جرنلسٹ چشتیاں شریف
6
