November 19, 2026

چشتیاں شریف مظلوم لبنانیوں پر اسرائیل کی وحشیانہ بمباری جارحیت کا رک جانا خوش آئند ہے اسرائیل نے پوری

IMG-20260418-WA0135

چشتیاں شریف
مظلوم لبنانیوں پر اسرائیل کی وحشیانہ بمباری جارحیت کا رک جانا خوش آئند ہے اسرائیل نے پوری دنیا بالخصوص مشرق وسطی میں بد امنی جارحیت بربریت ملکوں کی سرحدوں کی خلاف ورزی کو معمول بنا رکھا ہے بے کس مجبور وسائل سے محروم نہتے اور کمزور ملکوں پر آئے روز چڑھائی کر دیتا ہے عالمی ادارے اسرائیل کے پٹھو بنے ہوئے ہیں اور یہ بڑی طاقتوں کا ناجائز بچہ عالمی امن کے لیے خطرہ بنا ہوا ہے صرف ایسے ممالک پر بمباری کرتا ہے جن کے پاس وسائل موجود نہیں عالمی قوتوں بالخصوص اقوام متحدہ کو اپنے چارٹر پر عمل درامد کروانا ہوگا ورنہ دنیا تباہی کے دہانے پر کھڑی ہوگی
ان خیالات کا اظہار سابق صدر چیمبر آف کامرس لاہور سینیٹر ظفر اقبال چوہدری نے سینئر صحافیوں سے گفتگو کرتے ہوئے کیا
سابق صدر چیمبر آف کامرس نے کہا اسرائیل کی ایک شرارت کہ اس نے ایران پر حملہ کیا نے پوری دنیا کو معاشی مسائل کی دلدل میں دھکیل دیا دو وقت کی روٹی عام عوام کی پہنچ سے دور ہو گیا تیل اتنا مہنگا ہو گیا کہ خریداری مشکل ہو گئی ترقی پذیر ملکوں کی معیشتیں ڈیفالٹ کے نزدیک چلی گئیں عالمی معاشی بحران پیدا ہو گیا ابنائے ہرمز کی بندش اسرائیل کی شرارت کا نتیجہ ہے مشرق وسطیٰ کے ممالک ہوش کے ناخن نیں اور مشرق وسطی میں اسرائیل کی بدمعاشی ختم کرنے کے لیے اپنے دفاعی معاہدوں کا از سر نو جائزہ لے کر چھوٹے اتحاد تشکیل دیں تاکہ دوبارہ ایسی صورتحال کا سامنا نہ کرنا پڑے
ظفر اقبال چوہدری نے کہا ہمارے کسان بدترین معاشی بدحالی کے شکار ہیں گزشتہ سیلاب اور شدید بارشوں نے کسانوں کا بھرکس نکالا اب رہی سہی کسر ڈیزل کی قیمتوں میں ہو شربا اضافے نے پوری کر دی موسم کی خرابی نے بھی کسانوں کو معاشی طور پر کمزور کیا انتہائی تکلیف دہ امر ہے کہ اسٹابری کے کاشتکاروں کی اسٹابری کی فصل محکمہ زراعت کے مشورے سے سپرے کرنے سے خراب ہوئی جس سے کاشتکاروں کو کروڑوں روپے کا نقصان ہوا مگر ان کا کوئی پرسان حال نہیں حکومت اسٹابری کے کاشتکاروں کو فوری معاوضہ فراہم کرے اور ذمہ دار زراعت اہلکاران کے خلاف سخت کاروائی عمل میں لائی جائے