رپورٹ دعانیوز آن لائن بیوروچیف عبدالقیوم شیخ پاکستان سٹیزن میڈیا سیل حیدرآباد سندھ ڈسٹرکٹ ہائی ویز حیدرآباد میں مبینہ 50 کروڑ روپے
رپورٹ دعانیوز آن لائن بیوروچیف عبدالقیوم شیخ
پاکستان سٹیزن میڈیا سیل حیدرآباد سندھ
ڈسٹرکٹ ہائی ویز حیدرآباد میں مبینہ 50 کروڑ روپے کی کرپشن سابق ایکسین “طحہ شیخ” کے خلاف کارروائی کیوں نہیں؟ سندھ حکومت، نیب اور اینٹی کرپشن پر سوالات
ڈسٹرکٹ ہائی ویز حیدرآباد میں مبینہ طور پر 50 کروڑ روپے کی مالی بے ضابطگیوں کے الزامات نے ایک بار پھر احتسابی نظام کی کارکردگی پر سوالات کھڑے کر دیے ہیں۔ ان الزامات کے مرکزی کردار کے طور پر سابق ایگزیکٹو انجینئر (ایکسین طحہ شیخ) کا نام لیا جا رہا ہے، تاہم تاحال سندھ حکومت، قومی احتساب بیورو (نیب) اور محکمہ اینٹی کرپشن کی جانب سے کوئی واضح اور حتمی کارروائی سامنے نہیں آئی۔
ذرائع کے مطابق ترقیاتی اسکیموں میں مبینہ طور پر غیر معیاری کام ادائیگیوں میں بے ضابطگیاں ٹینڈرز اور ٹھیکوں میں مبینہ خلاف ضابطہ طریقہ کار اور منصوبوں کی لاگت میں غیر معمولی اضافہ جیسے معاملات کی نشاندہی کی گئی ہے۔ تاہم ان دعوؤں کی باضابطہ عدالتی یا سرکاری سطح پر تصدیق تاحال نہیں ہوئی۔
شہری و سماجی حلقوں کا کہنا ہے کہ اگر اتنی بڑی رقم کے الزامات موجود ہیں تو محکمانہ انکوائری کا اسٹیٹس کیا ہے؟ کیا نیب یا اینٹی کرپشن نے باقاعدہ تحقیقات شروع کی ہیں؟ اگر تحقیقات جاری ہیں تو پیش رفت عوام کے سامنے کیوں نہیں لائی جا رہی؟ یہ خاموشی عوام میں شکوک و شبہات کو جنم دے رہی ہے۔
قانونی ماہرین کے مطابق کسی بھی سرکاری افسر پر سنگین مالی الزامات کی صورت میں شفاف اور غیر جانبدار انکوائری ضروری ہے مالی ریکارڈ اور آڈٹ رپورٹس کی جانچ ہونی چاہیے اور ذمہ داری کا تعین ثبوتوں کی بنیاد پر کیا جانا چاہیے اگر الزامات بے بنیاد ہیں تو انہیں بھی واضح طور پر مسترد کیا جانا چاہیے تاکہ ادارے کی ساکھ متاثر نہ ہو۔
شہریوں نے مطالبہ کیا ہے کہ ڈسٹرکٹ ہائی ویز کے تمام ترقیاتی منصوبوں کا خصوصی byفرانزک آڈٹ کیا جائے ملوث افراد کا تعین شفاف طریقے سے کیا جائے اور تحقیقات کی پیش رفت عوام کے سامنے لائی جائے
…………..