میلسی (بیو رو چیف ) میلسی مائنر میں کشمیر چوک کے مقام پر کچرے کے ڈھیر کا معاملہ سامنے آنے پر متعلقہ حکام حرکت میں آ گئے۔سوشل میڈیا پر وائرل ہونے والی ویڈیو میں کچرے کے باعث علاقے میں پھیلنے والے تعفن اور شہریوں کو درپیش مشکلات کو اجاگر کیا گیا تھا، جس پر فوری نوٹس لیا گیا۔انچارج انسپکشن اینڈ مانیٹرنگ ستھرا پنجاب حافظ عاصم محمود نے صورتحال کا سختی سے جائزہ لیتے ہوئے میلسی مائنر سے فوری طور پر کچرا صاف کرنے کے احکامات جاری کر دیے۔ اس سلسلے میں ڈسٹرکٹ کوآرڈینیٹر چوہدری غیور اسلم سے تفصیلی رپورٹ بھی طلب کر لی گئی ہے۔شہریوں نے امید ظاہر کی ہے کہ بروقت کارروائی سے نہ صرف تعفن کا خاتمہ ہوگا بلکہ علاقے میں صفائی کی صورتحال بھی بہتر بنائی جا سکے گی۔
10
