نوابشاہ (رپورٹ. انور عادل خانزادہ)سانا کینیڈا کے رکن زاہد ملک کا این ڈی ایف بحالی مرکز حیدرآباد کا دورہ
نوابشاہ (رپورٹ. انور عادل خانزادہ)سانا کینیڈا کے رکن زاہد ملک کا این ڈی ایف بحالی مرکز حیدرآباد کا دورہ: سندھی ایسوسی ایشن آف نارتھ امریکا (سانا) کینیڈا کے رکن زاہد ملک نے این ڈی ایف بحالی مرکز، قاسم آباد حیدرآباد کا دورہ کیا تاکہ ذہنی معذوری کے شکار بچوں کو فراہم کی جانے والی بحالی خدمات کا مشاہدہ کر سکیں۔ اس موقع پر ان کے ہمراہ ڈاکٹر ناصر جمال پٹھان (کینیڈا)، مشتاق میمن (اقوام متحدہ، بینکاک)، انجینئر محی الدین مغل، مہران یونیورسٹی سے عرفان علی میمن، اسرا یونیورسٹی سے ڈاکٹر حسین بخش کولاچی اور ڈاکٹر عبد الستار عالمانی بھی موجود تھے۔دورے کے دوران معزز مہمانوں نے مختلف تھراپی یونٹس کا معائنہ کیا اور بچوں، والدین اور بحالی کے ماہرین سے ملاقات کی۔ انہوں نے نیشنل ڈس ایبلٹی اینڈ ڈوالپمنٹ فورم (این ڈی ایف) پاکستان کی جانب سے معیاری بحالی خدمات فراہم کرنے اور معذور بچوں کے سماجی انضمام کو فروغ دینے کی کوششوں کو سراہا۔یہ دورہ تجربات کے تبادلے، مستقبل میں ممکنہ تعاون پر تبادلہ خیال اور معذور افراد کو بااختیار بنانے اور انہیں معاشرے کا فعال حصہ بنانے کے مشترکہ اقدامات کو مزید مضبوط بنانے کا ایک اہم موقع ثابت ہوا۔اس سے قبل این ڈی ایف پاکستان کے صدر عابد لاشاری نے وفد کو سندھ بھر میں این ڈی ایف کی خدمات کے حوالے سے بریفنگ دی۔ انہوں نے بتایا کہ این ڈی ایف، محکمہ برائے بااختیاری افراد باہم معذوری حکومت سندھ (DEPD) اور مخیر حضرات کے تعاون سے صوبے بھر میں قائم اپنے پانچ بحالی مراکز کے ذریعے 500 سے زائد بچوں کو مفت بحالی خدمات فراہم کر رہا ہے۔
