ٹھٹہ رپورٹ دعا نیوز عبدالعزیز شیخ ڈپٹی کمشنر ٹھٹھہ سرمد علی بھاگت کی ہدایت پر
ٹھٹہ رپورٹ دعا نیوز عبدالعزیز شیخ
ڈپٹی کمشنر ٹھٹھہ سرمد علی بھاگت کی ہدایت پر اسسٹنٹ کمشنر میرپور ساکرو نبی بخش سولنگی نے محکمہ صحت اور دیگر متعلقہ اداروں کے ہمراہ رورل ہیلتھ سینٹر گھارو میں بچوں کو پولیو سے بچاؤ کے قطرے پلا کر مہم کا باقاعدہ آغاز کیا – بعد ازیں رورل ہیلتھ سنٹر سے قومی شاہراہ تک پولیو کے خلاف آگاہی ریلی کی قیادت کی۔ ریلی کا مقصد عوام میں پولیو کے خلاف شعور اجاگر کرنا تھا۔ اس موقع پر اسسٹنٹ کمشنر میرپور ساکرو نبی بخش سولنگی نے ریلی سے خطاب کرتے ہوئے کہا کہ پولیو ایک خطرناک مرض ہے جو بچوں کو عمر بھر کی معذوری میں مبتلا کر سکتا ہے، تاہم والدین اپنے بچوں کو پولیو سے بچاؤ کے دو قطرے پلا کر انہیں ہمیشہ کے لیے معذوری سے محفوظ بنا سکتے ہیں۔ انہوں نے والدین سے اپیل کی کہ وہ انسداد پولیو مہم کے دوران ٹیموں سے تعاون کریں اور پانچ سال سے کم عمر تمام بچوں کو پولیو کے قطرے ضرور پلوائیں تاکہ پولیو کا مکمل خاتمہ ممکن بنایا جا سکے۔