سکھر بیورو چیف سید نصیر حسین زیدی بیورو چیف دعا ان لاین نیوز ایچ ڈی چینل سکھر سٹی کے تاریخی گھنٹہ گھر کے اطراف میں
سکھر بیورو چیف سید نصیر حسین زیدی بیورو چیف دعا ان لاین نیوز ایچ ڈی چینل
سکھر سٹی کے تاریخی گھنٹہ گھر کے اطراف میں اسسٹنٹ کمشنر سکھر میڈم سارا فراز کی ہدایات پر انکروچمنٹ، ناجائز تجاوزات اور غیر ضروری پارکنگ کے خلاف بھرپور آپریشن کیا گیا۔ آپریشن کا مقصد شہر کے مصروف ترین علاقے میں ٹریفک کی روانی کو بہتر بنانا اور عوام کو درپیش مشکلات کا خاتمہ کرنا تھا۔
تفصیلات کے مطابق اسسٹنٹ کمشنر میڈم سارا فراز نے گھنٹہ گھر اور اس کے اطراف کا دورہ کیا، جہاں سڑکوں اور فٹ پاتھوں پر قائم ناجائز تجاوزات، دکانوں کے باہر رکھا گیا اضافی سامان اور غیر قانونی پارکنگ کا جائزہ لیا گیا۔ اس موقع پر متعلقہ عملہ بھی موجود تھا جس نے تجاوزات کے خلاف کارروائی کی۔
آپریشن کے دوران دکانداروں کو سختی سے ہدایت کی گئی کہ وہ اپنی دکانوں کے باہر رکھا گیا اضافی سامان فوری طور پر ہٹا کر صرف اپنی دکان کی حدود تک محدود رکھیں۔ اس کے ساتھ ساتھ غیر ضروری اور غلط طریقے سے پارک کی گئی گاڑیوں کے مالکان کو بھی وارننگ دی گئی اور انہیں آگاہ کیا گیا کہ آئندہ خلاف ورزی کی صورت میں قانونی کارروائی عمل میں لائی جائے گی۔
اسسٹنٹ کمشنر میڈم سارا فراز نے کہا کہ ناجائز تجاوزات اور غیر قانونی پارکنگ نہ صرف ٹریفک جام کا سبب بنتی ہیں بلکہ عوام الناس کے لیے شدید مشکلات بھی پیدا کرتی ہیں۔ انہوں نے واضح کیا کہ شہر میں نظم و ضبط قائم رکھنے کے لیے یہ آپریشن جاری رہے گا اور کسی کو بھی قانون کی خلاف ورزی کی اجازت نہیں دی جائے گی۔
علاقہ مکینوں اور شہریوں نے انتظامیہ کے اس اقدام کو سراہتے ہوئے امید ظاہر کی کہ اس طرح کے اقدامات سے ٹریفک کا نظام بہتر ہوگا اور عوام کو سہولت میسر آئے گی۔
