“انسان کو وہی ملے گا جس کی اس نے خود کوشش کی” (النجم: 39) اتوار 21 دسمبر 2025 تحقیق و تحریر: انجینیئر نذیر ملک سرگودھا
“انسان کو وہی ملے گا جس کی اس نے خود کوشش کی”
(النجم: 39)
اتوار 21 دسمبر 2025
تحقیق و تحریر:
انجینیئر نذیر ملک سرگودھا
آج ہمارے معاشرے میں یہ تصور بہت عام ہو چکا ہے کہ
“اگر مرنے والے کے لیے کچھ پیسے خرچ کر دیے جائیں،
قرآن خوانی کرا دی جائے،
یا کسی بڑے عالم دین کو بلا کر دعاء کروا دی جائے، تو میت کی بخشش ہو جاتی ہے۔”
یہ سوچ بظاہر ہمدردی پر مبنی لگتی ہے،
لیکن کیا واقعی یہ تصور قرآن و سنت سے ثابت ہے؟
یا یہ محض ایک رواجی تسلی ہے؟
*اصل اصول: نجات پیسے سے نہیں، اعمال سے ہے*
قرآنِ مجید ایک بنیادی اصول واضح کرتا ہے:
“انسان کو وہی ملے گا جس کی اس نے خود کوشش کی”
(النجم: 39)
اور یہ بھی فرمایا:
“ہر جان اپنے کیئے کا خود ذمہ دار ہے” (المدثر: 38)
اس کا صاف مطلب یہ ہے کہ:
کوئی شخص اپنے اعمال کے بغیر نجات نہیں پا سکتا۔
اور کوئی دوسرا محض مال دے کر اس کا حساب نہیں بدل سکتا۔
اسلام میں مغفرت خریدی نہیں جاتی، بلکہ اللہ کی رحمت اعمال صالح اور فضل سے ملتی ہے۔
غلط فہمی کہاں سے پیدا ہوئی؟
ہمارے ہاں آہستہ آہستہ یہ تصور بن گیا کہ:
*اتنی رقم میں ختم دلوا دیں
*فلاں رقم میں قرآن خوانی۔*فلاں دن اتنا خرچیں “اب تو بخشش ہو جائے گی”
قرآن مجید تو کہہ رہا ہے کہ اے عقل و دانش والو! میری آیات پر غور کرو۔
یہ سب باتیں:
*نہ قرآن سے ثابت ہیں
*نہ نبی کریم ﷺ سے
*نہ صحابہ کرامؓ کے عمل سے
یہ زیادہ تر:
رسموں، سماجی دباؤ اور جذباتی تسلیوں کا نتیجہ ہیں
اور قرآن، حدیث اور سنت رسول اللہ صلی اللہ علیہ والہ وسلم کا علم کے نہ ہونے کی وجہ ہیں۔
ہمارے ہاں دینی علوم خود سیکھنے کا رجحان مفقود ہوتا جا رہا ہے اور ہمارے ہاں بھی بس مذھبی طبقے پر انحصار ہے کہ مولانا صاحب کی خدمت کرتے جاو اور وہ آپ کے اور آپ کے کنبہ کے لئے قرآن پڑھ پڑھ کر آپ کو بخشتا رہے گا اور ایصال ثواب کرتا رہے گا اور آپ بس مزے کرتے ہیں عیاشی کرتے رہیں اس طریقہ سے آپ ایک بخشی ہوئی روح ہیں اور آپکی جنت پکی۔
[لاحول ولا قوۃ الا باللہ]
یہ عقائد قرآن و سنت سے ماخوذ نہیں بلکہ علماء سو کی چالاکیاں ہیں اور مال بٹورنے کا بہانہ ہیں۔ کیونکہ عوام دور حاضر میں ہر مشکل کام کا شارٹ کٹ چاہتی پے اور یہی طبقہ علماء سو، پیروں، فقیروں کی خوراک ہے اور انھی کے ہاتھوں ان جہلاء ک عاقب لٹ رہی ہے۔
*ایک دلچسپ آفر*
*ایک حضرت مولانا صاحب نے ایک نایاب آفر متعارف فرمائی ہے کہ دو لاکھ سولہ ہزار روپے سالانہ ان کے اکاؤنٹ میں جمع کراتے جائیں آپ سال بھر نماز روزے کے فرائض سے بری الذمہ ہو جائیں*
لاحول ولا قوۃ الا باللہ
حضرات قرآن تو اعلان فرماتا ہے کہ میری آیات کو کم قیمت پر مت بیچو! لیکن ان علماء سو نے عبادات بھی بیچ ڈالیں۔
سورۃ محمد — آیت 24
أَفَلَا يَتَدَبَّرُونَ الْقُرْآنَ ۚ أَمْ عَلَىٰ قُلُوبٍ أَقْفَالُهَا۔
ترجمہ:
کیا یہ لوگ قرآن میں غور و فکر نہیں کرتے؟
یا ان کے دلوں پر تالے لگے ہوئے ہیں
✅ لیکن کیا مردے کو فائدہ پہنچایا جا سکتا ہے؟
یہاں ایک بہت اہم توازن سمجھنا ضروری ہے۔
اسلام یہ نہیں کہتا کہ:
“مرنے کے بعد کچھ بھی فائدہ نہیں”
بلکہ اسلام کہتا ہے:
“فائدہ صرف مشروع طریقے سے ہوگا”
*وہ کام جو واقعی میت کو فائدہ دیتے ہیں*
1️⃣ دعا اور استغفار
یہ سب سے بڑا اور مؤثر ذریعہ ہے۔
قرآن کہتا ہے
“اے اللہ! ہمیں اور ہمارے ایمان والے بھائیوں کو بخش دے” (الحشر: 10)
دعا میں:
*نہ پیسہ لگتا ہے
*نہ دکھاوا ہے
*مگر اثر بہت گہرا ہوتا ہے
2️⃣ صدقہ عن المیت
اگر کوئی:
پانی کا کنواں بنوا دے
کسی ضرورت مند کی مدد کردے۔
اور ثواب میت کو پہنچائے
تو یہ حدیث سے ثابت ہے۔
نبی ﷺ نے صدقہ کو جائز قرار دیا۔
3️⃣ میت کا قرض ادا کرنا۔
اگر مرنے والے پر قرض تھا:
تو اس کی ادائیگی
میت کے لیے بہت بڑی راحت ہے۔
یہ صرف مالی نہیں بلکہ اخلاقی ذمہ داری بھی ہے۔
4️⃣ حج یا عمرہ بدل۔
اگر میت نے حج نہ کیا ہو:
تو اس کی طرف سے میت کے ترکہ سے کسی کو حج بدل کرانا۔ حدیث سے ثابت ہے
🚫 وہ کام جو فائدہ نہیں دیتے۔
ہمیں سچ بولنا ہوگا، چاہے وہ کڑوا ہو:
❌ پیسوں کے عوض قرآن پڑھوانا۔
❌ ختم کی “فیس” مقرر کرنا۔
❌ یہ کہنا: “اب تو بخشش پکی”
❌ رسمیں: تیجہ، دسواں، چالیسواں (لازم سمجھ کر)
ان سب پر:
*نہ نبی ﷺ کا عمل ہے
*نہ ہی صحابہؓ کا
*نہ کسی امام کا واضح حکم
اصل خرابی کہاں ہے؟
اصل خرابی یہ ہے کہ:
*ہم خود عمل نہیں کرنا چاہتے۔
*ذمہ داری پیسے پر ڈال دیتے ہیں۔
*اور دل کو جھوٹی تسلی دے لیتے ہیں
جبکہ دین ہمیں سکھاتا ہے:
*مال وسیلہ بن سکتا ہے،
متبادل نہیں۔
*ایک سادہ سی بات*
اگر واقعی ہم اپنے مرحومین سے محبت کرتے ہیں تو:
*ان کے لیے دعا کریں
*ان کے قرض اتاریں
*صدقہ کریں
*اور خود نیک بنیں۔
کیونکہ نبی ﷺ نے فرمایا: “جب انسان مر جاتا ہے تو اس کے اعمال رک جاتے ہیں،
سوائے تین چیزوں کے…”
1- صدقہ جاریہ
2- علم نافع
3- اولاد صالح( یہ بخشش کا زبردست ذریعہ ہے)
[*آخری پیغام*
یاد رکھیں:
بندے کی مغفرت کا فیصلہ
*نہ قاری کرتا ہے،
*نہ پیسہ نہ پیر فقیر
بلکہ صرف اور صرف اللہ کرتا ہے۔
آئیے:
*دنیا کی رسموں سے نکلیں۔
*اللہ کے حکم اور سنت رسول اللہ کی طرف لوٹیں۔
اور اپنے مرحومین کے لیے وہ کریں جو انکی ضرورت ہے۔
اور جو واقعی ان کے کام آئے۔
*اے مسلماں!
کر لے ذرا غور!۔
اپنی زندگی میں اعمال قرآن و سنت کے مطابق کریں۔
قرآن پڑھیں سمجھیں اور اس پر عمل کریں تاکہ ہمیں ایصال ثواب پر تکیہ نہ کرنا پڑے اور نہ ہی اپنے لواحقین کے ایصال ثواب پر انحصار کرنا پڑے۔
الدعاء
یا اللہ تعالی ہمیں:
*قرآن مجید کی صحیح سمجھ اور خلوص نیت سے عمل کی توفیق عطا فرما
*زندگی کے سنہرے اصول*
*قرآن و سنت کی تعلیمات کے عین مطابق اپنی زندگی گزاریں۔
*توحید پر جمے رہیں اپنی فرض نمازیں روزے زکواۃ اور حج پورے کریں، نوافل و صدقات اور نیک مسنون اعمال کثرت سے جمع رکھیں۔
نماز، روزہ اور دیگر نیک اعمال مسنون طریقے کے مطابق ادا کریں صلہ رحمی
صدقہ جاریہ اور علم نافع کو اپنی زندگی کا اثاثہ بنائیں اور اپنی اولاد کی اچھی تربیت کریں اولاد کو صالح بنائیں اور اللہ تعالی کی بخشش اور شفاعت رسول کی امید واثق رکھیں یہی آخروی کامیابی کا زینہ ہیں۔
جاگو مسلمانو جاگو!
دین اسلام پر خلوص نیت کے ساتھ عمل کریں اور فلاح دارین پائیں۔
یا حیئ یا قیوم برحمتک استغیث
آمین یا رب العالمین۔
Please visit us at www.nazirmalik.com Cell 0092300860 4333