November 17, 2026

سکھر میں اسنیپ چیکنگ کے دوران اسلحہ سمیت ملزم گرفتار پولیس کی کارروائی، سندھ آرمس ایکٹ کے تحت مقدمہ درج، مزید تفتیش جاری

IMG-20251218-WA0254

سکھر میں اسنیپ چیکنگ کے دوران اسلحہ سمیت ملزم گرفتار
پولیس کی کارروائی، سندھ آرمس ایکٹ کے تحت مقدمہ درج، مزید تفتیش جاری

سکھر (بیورورپورٹ۔ سید نصیر حسین زیدی) سکھر پولیس کی جانب سے جرائم پیشہ عناصر کے خلاف جاری کریک ڈاؤن کے دوران ایک اور کامیاب کارروائی عمل میں لائی گئی ہے، جس میں ایک مشتبہ شخص کو اسلحہ سمیت گرفتار کر لیا گیا۔ پولیس حکام کے مطابق یہ کارروائی ایس ایس پی سکھر اظہر خان کی ہدایات پر تھانہ سانگی کی حدود میں دوران اسنیپ چیکنگ کی گئی۔گرفتار ملزم کی شناخت عاقب کلھوڑو کے نام سے ہوئی ہے۔ پولیس کے مطابق ملزم کے قبضے سے بغیر لائسنس ٹی ٹی پستول بمعہ میگزین برآمد کیا گیا۔ ابتدائی تفتیش کے دوران ملزم اس اسلحہ رکھنے کا کوئی قانونی جواز پیش نہ کر سکا۔پولیس نے ملزم کے خلاف سندھ آرمس ایکٹ کے تحت مقدمہ نمبر 135/2025، جرم 23(i) کے تحت تھانہ سانگی میں درج کر لیا ہے۔ مزید تفتیش کا عمل جاری ہے تاکہ اسلحہ کے ممکنہ استعمال اور دیگر پہلوؤں کا جائزہ لیا جا سکے اور دیگر ملوث عناصر تک رسائی حاصل کی جا سکے۔ایس ایس پی سکھر اظہر خان نے کامیاب کارروائی پر پولیس ٹیم کی کارکردگی کو سراہا اور انہیں شاباش دی۔ انہوں نے ضلع بھر میں جرائم پیشہ عناصر کے خلاف کارروائیاں مزید تیز کرنے اور عوامی تحفظ کو یقینی بنانے کی ہدایات جاری کیں۔پولیس حکام نے شہریوں سے اپیل کی ہے کہ وہ مشتبہ سرگرمیوں کی اطلاع فوراً متعلقہ حکام کو دیں تاکہ سکھر میں امن و امان قائم رکھنے کے لیے اقدامات مؤثر اور بروقت ہو سکیں۔