سکھر(بیورورپورٹ۔ سید نصیر حسین زیدی)ایس ایس پی سکھر اظہر مغل، آل سکھر تاجر اتحاد کے سرپرست اعلیٰ آغا ایوب اور صدر میر عبدالرحمن مینگل نے تنظیم کے جنرل سیکریٹری شبیر میمن کی رہائش گاہ پر جا کر انہیں عمرہ کی ادائیگی پر دلی مبارکباد پیش کی۔اس موقع پر عہدیداران نے کہا کہ عمرہ کی سعادت ایک عظیم روحانی تجربہ ہے جو انسان کے ایمان اور تقویٰ میں اضافہ کرتا ہے۔ انہوں نے شبیر میمن کے لیے دعا کی کہ اللہ تعالیٰ ان کا عمرہ قبول فرمائے اور انہیں مزید نیکیوں اور برکتوں کی توفیق عطا کرے۔ملاقات کے دوران، تنظیمی امور، شہر کی تجارتی سرگرمیوں، اور تاجر برادری کے مسائل پر بھی تفصیلی تبادلہ خیال کیا گیا۔ عہدیداران نے اس موقع پر تاکید کی کہ تاجر برادری کو معاشی ترقی کے ساتھ ساتھ سماجی اور روحانی سرگرمیوں میں بھی بڑھ چڑھ کر حصہ لینا چاہیے۔شبیر میمن نے ایس ایس پی سکھر اور آل سکھر تاجر اتحاد کے عہدیداران کا شکریہ ادا کرتے ہوئے کہا کہ ان کی نیک تمناؤں اور رہنمائی سے تنظیم کے کاموں میں مزید بہتری آئے گی اور شہر کی تجارتی سرگرمیوں کو فروغ دینے میں مدد ملے گی۔اس موقع پر باہمی تعلقات کو مضبوط بنانے اور تاجر برادری کی فلاح و بہبود کے لیے مزید اقدامات پر بھی بات چیت کی گئی، جس سے شہر میں تجارتی اور سماجی ماحول کے فروغ کی امید ظاہر کی گئی۔
25
