November 17, 2026

پاک بحریہ کے جہاز یرموک کا انسداد منشیات آپریشن، 972 ملین امریکی ڈالر مالیت کی منشیات برآمد

IMG-20251022-WA0277

پاک بحریہ کے جہاز یرموک کا انسداد منشیات آپریشن، 972 ملین امریکی ڈالر مالیت کی منشیات برآمد

اسلام آباد 22 اکتوبر 25: پاک بحریہ کے جہاز یرموک نے کمبائنڈ میری ٹائم فورسز (CMF) کی سعودی عرب کے زیر قیادت کمبائنڈ ٹاسک فورس 150 (CTF-150) کے تحت کام کرتے ہوئے شمالی بحیرہ عرب میں انسداد منشیات کا ایک بڑا آپریشن کامیابی سے انجام دیا، جس کے نتیجے میں 972 ملین امریکی ڈالرز مالیت کی منشیات ضبط کی گئی۔ یہ شاندار کامیابی علاقائی میری ٹائم سیکیورٹی، عالمی امن اور سمندر میں غیر قانونی اسمگلنگ کے خلاف اجتماعی جنگ کے لیے پاک بحریہ کے غیر متزلزل عزم کو اجاگر کرتی ہے۔

کثیر القومی کمبائنڈ ٹاسک فورس 150 جس کا مقصد سمندری استحکام کو یقینی بنانا اورکھلے سمندروں میں دہشت گردی اور غیر قانونی سرگرمیوں کو روکنا ہے اس کے تحت کام کرتے ہوئے پی این ایس یرموک کا کامیاب آپریشن بحیرہ ہند کے وسیع علاقے میں امن و سلامتی کے لیے ایک ذمہ دار میری ٹائم پارٹنر کے طور پر پاکستان کے فعال کردار کی تصدیق کرتا ہے۔