زندگی سے مایوس ٹرانس جینڈر ابیحہ رضوی نے خود کشی کرلی
زندگی سے مایوس ٹرانس جینڈر ابیحہ رضوی نے خود کشی کرلی
ایک اور ہنستی کھیلتی روح زندگی کے غموں سے آزاد ہوگی۔
کراچی کے پوش علاقے ڈیفنس ہاؤسنگ اتھارٹی کے فیز فائیو بدر کمرشل میں رہائش پزیر خواجہ سراء عبداللہ بابر عرف ابیحہ رضوی کی پنکھے سے لٹکی ہوئی لاش ملی ہے۔
تھانہ درخشاں کے اسٹیشن ہاؤس آفیسر (ایس ایچ او) شاہد تاج نے میڈیا کو بتایا کہ 24 سالہ ابیحہ رضوی ایک خاتون دوست کے ساتھ بدر کمرشل علاقے میں فلیٹ میں رہائش پذیر تھیں۔ایس ایچ او نے بتایا کہ خواجہ سرا کی شناخت ابیہ کے نام سے کی گئی جبکہ اس کا اصل نام عبداللہ بابر ہے
پولیس کا کہنا ہے کہ خاتون یسری نے اپنے ابتدائی بیان میں بتایا کہ ابیحہ اپنے والدین سے ملنے گلشنِ اقبال گئی تھیں، اور رات گئے واپس آئیں، صبح جب وہ جاگیں تو انہوں نے دیکھا کہ ابیحہ کی لاش چھت سے لٹکی ہوئی ہے۔
لڑکی نے پولیس کو بیان دیا ہے کہ اس نے اپنے دوستوں کو فون کر کے واقعے سے آگاہ کیا اور انھوں نے موقع پر پہنچ کر خواجہ سرا کی لاش اتار کر مدد گار 15 پر اطلاع دی۔
اطلاع ملنے پر امدادی کارکن اور پولیس کی نفری وقوعہ پر پہنچی۔پولیس نے کرائم سین سے شواہد اکھٹے کئے۔
پولیس کا کہنا ہے کہ خواجہ سرا کی گردن پر پھندے کا نشان ہے اور ابتدائی طور پر واقعہ گلے میں پھندا لگا کر خودکشی کا معلوم ہوتا ہے۔
دوستوں کے مطابق آج دوپہر پاپوش قبرستان میں ابیحہ رضوی کی آخری رسومات ادا کردی گئی ہیں۔