November 17, 2026

*کراچی : شوہر کے رویے سے دل برداشتہ ہو کر نالے میں چھلانگ لگانے والی ڈاکٹر مشعل کا تاحال پتہ نہ چل سکا*

IMG-20250917-WA0213

*کراچی : شوہر کے رویے سے دل برداشتہ ہو کر نالے میں چھلانگ لگانے والی ڈاکٹر مشعل کا تاحال پتہ نہ چل سکا*

کراچی: شوہر کے رویے سے دل برداشتہ ہو کر نالے میں چھلانگ لگانے والی ڈاکٹر مشعل کریم کا تاحال سراغ نہ مل سکا، دوسرے روز بھی تلاش کا آپریشن جاری ہے۔

تفصیلات کے مطابق کراچی کے علاقے اسکاؤٹ کالونی میں مبینہ طور پر نالے میں چھلانگ لگانے والی خاتون ڈاکٹر مشعل کریم کا تاحال کوئی پتہ نہیں چل سکا۔

ریسکیو اداروں کے غوطہ خوروں کی جانب سے دوسرے روز بھی تلاش کا آپریشن جاری رہا۔

پولیس نے بتایا کہ اتوار اور پیر کی درمیانی شب عینی شاہدین نے ڈاکٹر مشعل کو نالے میں کودتے دیکھا تھا۔ ریسکیو ٹیموں نے موقع پر پہنچ کر آپریشن شروع کیا جو آج بھی جاری ہے۔

ابتدائی معلومات میں بتایا گیا تھا کہ ڈاکٹر مشال نے دو سال قبل پسند کی شادی کی تھی۔

اہلخانہ اور ذرائع کا کہنا ہے کہ ان کے شوہر کی مبینہ طور پر دوسری شادی کا ارادہ تھا، جس پر دونوں کے درمیان جھگڑے رہتے تھے۔

پولیس حکام نے بتایا کہ واقعے کی تحقیقات جاری ہیں اور مختلف پہلوؤں پر غور کیا جا رہا ہے، تاہم خاتون کی تلاش اب تک کامیاب نہیں ہو سکی۔