November 17, 2026

مسرت ناز کی پنجابی ادب کے فروغ کے لیے مثالی خدمات خصوصی تحریر: راجہ نورالہی عاطف

IMG-20250624-WA0179(1)

مسرت ناز کی پنجابی ادب کے فروغ کے لیے مثالی خدمات

خصوصی تحریر: راجہ نورالہی عاطف

پنجاب دی دھرتی تے وسن والے پنجابیاں دا ادب نال چوکھا پیڈا تعلق ہوندا اے پنجاب دی لوکائی پنجابی ادب نوں چوکھا پسند وی کردی اے اونج تے پنجابی زبان اندر ساڈے صوفی بزرگاں ڈھیر سارا کم کیتا اے جدے توں ساڈیاں آن والیاں نسلاں وی فیض یاب ہوندیاں رہن گیاں تے ہُن وی پنجاب اندر وسن والے پنجابی اپنی اوہناں صوفی بزرگاں دی روایات نوں اگاں ودھاندے ہوئے پنجابی ادب تے چوکھا چنگا کم رہے نیں پنجاب دی لوکائی اندر جتھے مرداں نیں پنجابی ادب کلچر تے ثقافت اندر کم کیتا اوتھے ای پنجاب دیاں بیبیاں وی پنجابی ادب اندر اپنا بھرواں کردار ادا کر رہیاں نیں پنجاب اندر وسن والیاں سوانیاں اچ چوکھیاں چنگیاں شاعرہ وی نیں جناں نیں چوکھی چنگی پنجابی شاعری کیتی تے لوکائی اچ اوہناں دی شاعری نوں چوکھا پسند وی کیتا جاندا اے تے لوکائی اوہناں دی شاعری نوں سُندی وی اے تے پڑھدی وی اے
اج میں جیڑی مہان پنجابی شاعرہ دی شخصیت تے اوہناں دی شاعری بارے گل بات کرن جا ریا ہاں اوہناں اصل ناں مسرت تے قلمی ناں مسرت ناز اے مسرت ناز ہوراں دا تعلق پنجاب دے سوہنے تے سلکھنے شہر گوجرانوالہ نال اے مسرت ناز ہوراں پنجابی شاعری اندر اپنا اک ناں پیدا کیتا اوس انسان دی قدر تے عزت تاں چوکھی ودھ جاندی اے جیڑا اپنی ماں بولی نال پیار کردا اے تے اپنے ادبی شوق نوں وی اپنی ماں بولی اچ ای پورا کردا اے تے مسرت ناز ہوراں دی عزت تے مان تاں ای چوکھا ودھدا اے کہ اوہناں وی اپنا ادبی شوق پنجابی شاعری راہیں پورا کیتا تے کر رہیاں نیں مسرت ناز ہوراں پنجابی شاعری اندر وکھو وکھ صنفاں اندر کم کیتا جدے اندر گیت غزلاں ڈھولے ماہیے تے بولیاں وی شامل نیں مسرت ناز ہوراں پنجابی شاعری دے ہر انداز نوں چوکھے سلکھنے انداز نال لکھیا تے پڑھن والے وی آپ دی شاعری نوں چوکھا پسند وی کردے نیں ایتھے مسرت ناز ہوراں دی اک بولی ویکھو کہندیاں نیں
تینوں چُھو کے ہواواں لنگھیاں
تے مہک میرے کول آگئی
بڑا سی او سیانہ بنندا
تے دُنیا نہ جان سکیا
مسرت ناز ہوراں دی شاعری پڑھ کے ایہ گل تے پکی اے اوہناں دی شاعری اندر اوہناں دے اپنے من دی گل چوکھی ہوندی اے کیونکہ اک چنگا شاعر اپنے من دی گل نوں ہمیشہ اپنے شعراں راہیں عام لوکائی تیکر اپڑاندا اے مسرت ناز ہوراں ٹپے اندر وی چوکھی چنگی شاعری کیتی اک شعر ویکھو کہ۔
ہویا جھگڑا ووٹاں تے
نخرے تے انج کرنا ایں
جیویں چھپنا اے نوٹاں تے
مسرت ناز ہوراں اپنی شاعری اندر پنجابی دے سوکھے اکھراں دا ستعمال زیادہ کیتا ایہو وجہ اے کہ اوہناں دی شاعری عام لوکائی دی سمجھ اچ وی آسانی نال آ جاندی اے شاعر دے جس شعر دی سمجھ سُننن والے یا پڑ
ھن والے نوں آ جاوے سمجھو اوسے شعر دا مُل ودھ جاندا اے شاعر جڈا مرضی چنگا شعر آکھ دیوے جیکر او شعر لوکائی دے سر توں لنگھ جائے تے او ضائع ہو جاندا اے مسرت ناز ہوراں دے کجھ شعر ویکھو۔
ساوے بدلاں وانگوں ایویں گج دے رہے
خالی ڈبے وانگوں ایویں وج دے رہے
پانیاں وانگوں ایویں چل دے رہے
وانگ ہواواں ایویں پھیریاں پاندے رہے
مسرت ناز ہوراں پنجاب بھر اندر مختلف شہراں اندر مشاعرے وی پڑھے جدے اندر اوہناں اپنے شعراں راہیں چوکھی داد وی وصول کیتی تے مسرت ناز ہوراں نوں کئی مشاعریاں اندر ایوارڈ تے شیلڈز نال وی نوازیا گیا تےاوہناں دی شاعری دی سراہنہ وی کیتی گئی مسرت ناز ہوراں دی شاعری جیڑی کہ چوکھیاں کتاباں جنے میٹر دی شکل اچ موجود اے او انشاءاللہ اک کتاب دی شکل اچ منظر عام تے آوے گی اللہ پاک مسرت ناز ہوراں دے علم عمل تے اوہناں زندگی اندر ڈھیر برکتاں فرمائے۔ آمین