November 16, 2026

آج کی کرائم کہانی ہے 11 سالہ حمیرا کی جو اسلام آباد میں مقیم ایک بیوروکریٹ کے بنگلے پر صرف 15 ہزار روپے ماہانہ اجرت پر چوبیس گھنٹوں کی ملازمہ تھی

20250612_152100

آج کی کرائم کہانی ہے 11 سالہ حمیرا کی
جو اسلام آباد میں مقیم ایک بیوروکریٹ کے بنگلے پر صرف 15 ہزار روپے ماہانہ اجرت پر چوبیس گھنٹوں کی ملازمہ تھی

کہتے ہیں کہ غربت دنیا میں جہنم کا عکس ہے! یہ بچپن مار دیتی ہے جوانی چھین لیتی ہے اور زندگی کو سزا بنا دیتی ہے۔ حمیرا کے ساتھ بھی کچھ ایسا ہی ہوا

غربت کے ہاتھوں وہ اپنے ماں باپ اور بہن بھائیوں سے دور اپنی معصوم خواہشوں کو قربان کرکے جس بنگلے پر جھاڑو پوچا لگایا کرتی تھی آج اسے وہاں سے لاپتہ ہوئے 10 ماہ گزر گئے ہیں وہ زندہ ہے یا مردہ اس کے والدین بھی اس بات سے بے خبر ہیں

حمیرا جس روز لاپتہ ہوئی اسی روز بنگلے کے مالکان نے اس پر 6 تولہ سونا اور 3 لاکھ روپے کیش چوری کرنے کا الزام لگا کر مقدمہ درج کروا دیا

دوسری طرف بچاری حمیرا جس کا کچھ پتہ نہیں چل رہا تھاکہ وہ آخر گئی تو گئی کہاں؟

اس کے غریب والدین نے بڑی تگ و دو کے بعد بچی کے اغواء کا مقدمہ بنگلے کے مالکان کے خلاف درج کروایا۔ یہ دونوں مقدمات اسلام آباد کے ایک ہی تھانے میں درج ہیں۔ لیکن حیران کن بات یہ ہے کہ 10 ماہ گزرنے کے باوجود پولیس اس کیس کی گتھی سلجھانے میں ناکام ہے اور نہ ہی حمیرا بازیاب ہوسکی