نائب وزیراعظم اور وزیر خارجہ سینیٹر محمد اسحاق ڈار کی چینی ہم منصب وانگ یی سے بات چیت
نائب وزیراعظم اور وزیر خارجہ سینیٹر محمد اسحاق ڈار کی چینی ہم منصب وانگ یی سے بات چیت
بات چیت کے دوران، ڈی پی ایم/ایف ایم نے وزیر خارجہ وانگ یی کو گزشتہ رات کی بھارتی جارحیت اور پاکستان کی جانب سے احتیاط کے ساتھ جوابی کارروائی کے تناظر میں بدلتی ہوئی علاقائی صورتحال سے آگاہ کیا۔
وزیر خارجہ وانگ یی نے پاکستان کے تحمل کو تسلیم کیا اور مشکل حالات میں اس کے ذمہ دارانہ انداز کو سراہا۔
انہوں نے اس بات کا اعادہ کیا کہ چین، پاکستان کے آل ویدر اسٹریٹجک کوآپریٹو پارٹنر اور فولادی دوست کے طور پر، اپنی خودمختاری، علاقائی سالمیت اور قومی آزادی کو برقرار رکھنے میں پاکستان کے ساتھ مضبوطی سے کھڑا رہے گا۔
دونوں رہنماؤں نے مضبوط رابطے کی اہمیت پر زور دیا اور آنے والے دنوں میں قریبی تعلقات برقرار رکھنے پر اتفاق کیا۔