November 16, 2026

پشاور موجودہ حالا ت کے پیش نظر شہر میں امن و امان کی صورتحال برقرار رکھنے اور مذہبی

IMG-20250408-WA0569

پشاور موجودہ حالا ت کے پیش نظر شہر میں امن و امان کی صورتحال برقرار رکھنے اور مذہبی رہنماءو اور عبادت گاہوں کے تحفظ کیلئے تمام وسائل کو بروئے کار لایا جا رہا ہے، قاسم خان

پشاور ( سید گوہر شاہ )
علماء کرام، عبادت گاہوں اور عوام کی جان و مال کے تحفظ کیلئے پشاور پولیس سنجیدہ ہے بین المذاہب ہم آہنگی اور تمام مسالک کے جید علماء کرام حضرات کا تحفظ اولین ترجیحات میں شامل ہے جس کے لئے تمام مسالک اور مختلف مکاتب فکر سے تعلق رکھنے والے رہنماءو کے ساتھ رابطے میں ہیں ، ملک کے امن، خوشحالی اور ترقی میں علماء کرام کا مثبت کردار رہا ہے، انتشار پھیلانے والے ملک دشمن عناصر کو جلد ہی بے نقاب کیا جائے گا ۔ ان خیالات کا اظہار سی سی پی او پشاور قاسم علی خان نے جید علماء کرام حضرات کے مختلف وفود کے ساتھ خصوصی ملاقات کے دوران کیا اس موقع پر ایس ایس پی آپریشنز مسعود احمد بھی موجود تھے ملک سعد شہید پولیس لائن میں سی سی پی او پشاور قاسم خان کی سربراہی میں پشاور کے مختلف مسالک سے تعلق رکھنے والے جید علماء کرام کے نمائندہ وفود کیساتھ ملاقاتیں کیں ہیں مولانا امان اللہ حقانی ، عبدالروف جان، مولانا سید والعارفین، مولانا شیخ امین اللہ الپشاوری ، مولانا شیخ عبد اللہ سلفی، مولانا جہانزیب زاہد، مولانا حسین احمد مدنی ایڈوکیٹ، مولانا عبدالکریم، شیخ نقیب اللہ وغیرہ جبکہ انٹرنیشنل ختم نبوت کے عہدیداران مولاناپیر الیاس فدا حقانی، مولانا عبد الرحمن حقانی، مولانا حسین احمد وغیر ہ نے شرکت کی ، اس موقع پر ایس ایس پی آپریشنز مسعود احمد بھی موجود تھے،ملاقات کے دوران موجودہ حالات کے پیش نظر اہم امور سمیت امن و امان کے قیام ، علماء کرام ، عباد گاہوں اور شہر کی سکیورٹی پر تفصیلی تبادلہ خیال کیا گیا، سی سی پی او قاسم علی خان نے واضح کیا کہ پشاور پولیس کی جانب سے بلا تفریق تمام مذہبی رہنماءوں ، مذہب، رنگ و نسل تمام اقلیتوں کے تحفظ کے لئے ترجیحی بنیادوں پر کام کیا جا رہا ہے جس کے لئے سنجیدگی کیساتھ تمام وسائل کو بروئے کار لایا جا رہا ہے، انہوں نے شہر میں قیام امن کیلئے تمام انتظامی اداروں کیساتھ ہمیشہ تعاون کو سرایتے ہوئے معاشرے میں علماء کرام کے مثبت کردار کی بھی تعریف کی،
ملاقاتوں کے دوران نمائندہ وفود نے چند تجاویز بھی پیش کی اور امن و امان کے قیام ، مذہبی رہنماءوں کے تحفظ اور بین المذاہب ہم آہنگی کو فروغ دینے میں پولیس کے کردار کو بھی سراہتے ہوئے پولیس کے ساتھ بھرپور تعاون کا عزم بھی ظاہر کیا،ملاقات کے دوران جید علماء کرام نے امن پسند معاشرے کے قیام کی خاطر مختلف مذاہب کے مابین تعاون کی ضرورت پر زور دیتے ہوئے اس ضمن میں ہر قسم کے تعاون کی بھی یقین دہانی کرائی