ہارون آباد()غم اور یادیں: باپ بیٹی کا انمول رشتہ ۔میاں حبیب اللہ صائمی وٹو کی بیٹی کے انتقال پر اظہار تعزیت کرتے ہیں :عبدالقادر فاروقی
ہارون آباد()غم اور یادیں: باپ بیٹی کا انمول رشتہ ۔میاں حبیب اللہ صائمی وٹو کی بیٹی کے انتقال پر اظہار تعزیت کرتے ہیں :عبدالقادر فاروقی
کچھ رشتے دنیا میں ایسے ہوتے ہیں جن کی محبت اور قربت کو لفظوں میں بیان کرنا ممکن نہیں۔ ان میں سب سے حسین اور پاکیزہ رشتہ باپ اور بیٹی کا ہے۔ بیٹی باپ کے دل کا سکون اور آنکھوں کی ٹھنڈک ہوتی ہے۔ وہ باپ کی شفقت میں پلتی ہے، اس کی ہر مسکراہٹ باپ کے لیے خوشی کا باعث بنتی ہے، اور اس کی خوشی میں باپ کی دنیا بسی ہوتی ہے۔باپ اپنی بیٹی کو زندگی کے ہر موڑ پر سنبھالنے والا وہ سایہ ہے جو خود دھوپ میں رہ کر اپنی اولاد پر محبت کی چھاؤں رکھتا ہے۔ بیٹی کی معصوم باتیں، اس کی ہنسی اور اس کے خواب باپ کے دل میں ایک خاص جگہ رکھتے ہیں۔ جب کوئی باپ اپنی بیٹی کو کھو دیتا ہے تو یہ ایسا درد ہے جس کا مداوا ممکن نہیں۔ یہ جدائی دل پر ایک گہرا زخم چھوڑ جاتی ہے، جس کی کسک عمر بھر محسوس ہوتی ہے۔ میرے انتہائی شفیق دوست میاں حبیب اللہ صائمی وٹو کی بیٹی کا چند روز قبل انتقال ہو گیا، اُس کا غم الفاظ میں سمیٹنا آسان نہیں۔ وہ بیٹی جس نے اپنی معصومیت اور محبت سے گھر کو جنت بنایا تھا، آج اس کا نہ ہونا ایک ایسا خلا ہے جسے کوئی پُر نہیں کر سکتا۔ باپ کے لیے اس کی بیٹی صرف اولاد نہیں، بلکہ اس کی زندگی کا ایک اہم حصہ ہوتی ہے۔
ہم دل کی گہرائیوں سے دعا کرتے ہیں کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے والدین اور اہل خانہ کو صبرِ جمیل دے۔ اس نازک لمحات میں اپنے دوست کے غم میں برابر کے شریک ہیں۔ اللہ تعالیٰ انہیں یہ صدمہ برداشت کرنے کی ہمت دے اور مرحومہ کو اپنی رحمتوں کے سائے میں جگہ عطا فرمائے۔ آمین۔
