*وڈھ: انجمن تاجران بازار کی جانب سے جعلی ایف آئی آر کے خلاف نیشنل ہائی وے بند پہیہ جام ہڑتال*
*وڈھ: انجمن تاجران بازار کی جانب سے جعلی ایف آئی آر کے خلاف نیشنل ہائی وے بند پہیہ جام ہڑتال*
آج 8 مارچ کو انجمن تاجران بازار وڈھ نے جعلی ایف آئی آر کے اندراج کے خلاف پہیہ جام ہڑتال کا اعلان کیا ہے۔
یاد رہے کہ 19 فروری کو سردار زادہ میر گورگین مینگل، علاقائی معتبرین اور بازار کے تاجروں سمیت 600 سے زیادہ افراد کے خلاف جعلی ایف آئی آر درج کی گئی تھی۔
اس ایف آئی آر کے اندراج کے بعد تین دن تک وڈھ روڈ بند رہے، جس کے دوران تاجران اور ضلعی انتظامیہ کے درمیان ایک تحریری معاہدہ طے پایا تھا کہ اس مسئلے کا حل نکالا جائے گا۔ تاہم، انتظامیہ کی جانب سے اس معاہدے پر عمل درآمد نہ ہونے کے باعث انجمن تاجران نے آج پہیہ جام ہڑتال کرنے کا فیصلہ کیا۔
ہڑتال کے دوران روڈ مکمل طور پر بند ہے اور تاجران نے اپنا احتجاج ریکارڈ کرانے کے لیے سڑکوں پر آ کر پہیہ جام کیا ہے۔ تاجران کا مطالبہ ہے کہ فوری طور پر جعلی ایف آئی آر کو خارج کیا جائے اور انتظامیہ اپنے وعدوں کو پورا کرے۔
یہ ہڑتال اس وقت تک جاری رہنے کا امکان ہے جب تک تاجران کے مطالبات تسلیم نہیں کیے جاتے۔