بیو رو چیف و ہا ڑ ی )وہاڑی تا میلسی اور کرم پور شاہراہ کھنڈر میں تبدیل: حادثات اور سفری عذاب کے بعد عوام کا ہنگامی نوٹس کا مطالبہ
وہاڑی، میلسی اور کرم پور کو ملانے والی مرکزی شاہراہ شدید ٹوٹ پھوٹ کا شکار ہو کر حادثات کی آماجگاہ بن چکی ہے، جس کے باعث روزانہ کی بنیاد پر سفر کرنے والے طلبہ، سرکاری و نجی ملازمین اور ٹرانسپورٹرز شدید ترین عذاب سے گزرنے پر مجبور ہیں۔سڑک کے پرانے کارپٹ کی اکھڑن، جگہ جگہ بننے والے گہرے گڑھوں اور ٹوٹے ہوئے کناروں کی وجہ سے ٹریفک کی روانی شدید متاثر ہو رہی ہے۔ بارش کے دنوں میں سڑک پر جمع ہونے والا پانی اس شاہراہ کو تالاب میں بدل دیتا ہے، جس سے نہ صرف گاڑیوں کا بھاری مالی نقصان ہو رہا ہے بلکہ سفری وقت بھی دوگنا ہو چکا ہے۔مقامی سماجی حلقوں اور شہریوں کا کہنا ہے کہ ہزاروں گاڑیوں کی آمدورفت والے اس اہم روڈ کی طویل عرصے سے کوئی دیکھ بھال یا مرمت نہیں کی گئی۔ انتظامی غفلت کی وجہ سے آئے دن خوفناک حادثات رونما ہو رہے ہیں۔اہلیانِ علاقہ اور ٹرانسپورٹرز نے وزیر اعلیٰ پنجاب، سیکرٹری مواصلات و تعمیرات (Highways) اور ضلعی انتظامیہ سے فوری اپیل کی ہے کہ وہاڑی تا میلسی شاہراہ کی ہنگامی بنیادوں پر نئی تعمیری و مرمتی منظوری دی جائے تاکہ شہریوں کی قیمتی جانوں کا تحفظ اور محفوظ سفر ممکن بنایا جا سکے۔
23
