محکمہ پولیس دیر بالا میں نئے بھرتی شدہ پی اے ایس آئی اور کانسٹیبلان میں تقرر نامے تقسیم۔
محکمہ پولیس دیر بالا میں نئے بھرتی شدہ پی اے ایس آئی اور کانسٹیبلان میں تقرر نامے تقسیم۔
خیبرپختونخوا پولیس کے شہدا کی قربانیاں ناقابل فراموش ہیں۔ڈی پی او دیر بالا اسلم نواز
دیر بالا(نمائندہ خصوصی)گلوبل ٹائمز میڈیا یورپ کے مطابق ڈسٹرکٹ پولیس آفیسر دیر بالا اسلم نواز نے انسپکٹر جنرل آف پولیس خیبرپختونخوا ذوالفقار حمید اور ریجنل پولیس آفیسر ملاکنڈ سید فدا حسن شاہ کی ہدایات کے مطابق شہداء پیکج کے تحت شہید لیس ہیڈ کانسٹیبل نصرمن اللہ کے بھائی عبدالواحید کو بطور پی اے ایس آئی جبکہ ETEA کے ذریعے بھرتی ہونے والے 05 کانسٹیبلان میں تقرر نامے تقسیم کیے۔ اس موقع پر ڈی ایس پی ہیڈکوارٹر سید زمان شاہ خان اور عمران خان بھی موجود تھے۔ڈی پی او دیر بالا اسلم نواز نے نئے بھرتی ہونے والے اہلکاروں کو مبارکباد دیتے ہوئے کہا کہ خیبرپختونخوا پولیس کے شہداء کی قربانیاں ناقابل فراموش ہیں اور ان کی عظیم خدمات ہمیشہ یاد رکھی جائیں گی۔ انہوں نے اہلکاروں پر زور دیا کہ وہ عوام کے جان و مال کے تحفظ، قانون کی بالادستی اور محکمہ پولیس کے وقار کو مزید بلند کرنے کے لیے دیانتداری، فرض شناسی اور جذبۂ خدمت کے ساتھ اپنے فرائض انجام دیں۔