روھڑی نماہندہ محمد سیلمان ملک
سکر: يوم عاشور (10 جي صورتحال ۾ مدد ڪرڻ لاءِ هڪ فرسٽ ايڊ ڪئمپ ۽ ايمرجنسي وارڊن سروسز جو مؤثر انتظام ڪيو ويو. اهي خدمتون ڊپٽي چيف وارڊن سول ڊفينس سکر ڊاڪٽر سعيد اعواڻ جي اڳواڻي ۾ انجام ڏنيون ويون، جڏهن ته ميان جهانگير عباسي، اشفاق احمد ميتلو ۽ رانا محمد طاهر فرسٽ ايڊ ڪئمپ جي انتظامن ۾ اهم ذميواريون ادا ڪيون. ان موقعي تي ڊاڪٽر علي جوڻيجو ۽ غلام محمد مهر ميڊيڪل ڪاليج ٽيچنگ اسپتال جي 20 کان وڌيڪ ڊاڪٽرن ۽ پيرا ميڊيڪل اسٽاف عذدران حضرت امام حسين عليه السلام کي بروقت طبي امداد فراهم ڪندي انسانيت جي خدمت جي هڪ روشن مثال قائم ڪئي. ڊپٽي چيف وارڊن سول ڊفينس سکر ڊاڪٽر سعيد اعواڻ پنهنجي خطاب ۾ چيو ته حضرت امام حسين عليه السلام جي عظيم قرباني اسان کي سچ سان غير مشروط وفاداري ۽ باطل کان مڪمل طور تي بيزار ٿيڻ جو درس ڏئي ٿي. هن چيو ته سول ڊفينس جا رضاڪار الله تعاليٰ جي رضا لاءِ بنا ڪنهن فرق جي انسانيت جي خدمت ڪن ٿا ۽ محرم الحرام ۾ قائم ڪيل فرسٽ ايڊ ڪئمپ خدمت جي انهيءَ جذبي جو عملي مظهر آهن. هن وڌيڪ چيو ته سول ڊفينس ايمرجنسي وارڊن سروسز جي رضاڪارن به مرڪزي جلوس دوران طبي امداد، رهنمائي ۽ لاڳاپيل ادارن سان مڪمل تعاون ڪندي امن امان برقرار رکڻ ۾ اهم ڪردار ادا ڪيو. ان موقعي تي سول ڊفينس سکر گروپ وارڊن محمد احمد شيخ، مختلف شعبن جي انچارج محمد ياسين قمر، شيخ عدنان، لالا عمران ميراني، لالا ريحان پٺاڻ، محمد يوسف، محمد فياض، آصف شيخ، رياض احمد صديقي، رانا محمد طاهر، محمد آصف خان، شهاب حسين، محمد ادريس کوسو سميت 60 کان وڌيڪ وارڊن پڻ موجود هئا، جن عذدران کي فرسٽ ايڊ ۽ ٻيون ضروري سهولتون فراهم ڪرڻ ۾ ڀرپور ڪردار ادا ڪيو. عذدران حضرت امام حسين عليه السلام ڊاڪٽرن، پيرا ميڊيڪل اسٽاف جي تعريف ڪئي ۽ سڀني رضاڪارن جي خدمتن جي تعريف ڪندي ان کي انسانيت جي بي لوث خدمت جي بهترين مثال قرار ڏنو.
5
