ہارون آباد(نمائندہ خصوصی سٹی رپورٹر)چئیر مین سٹی پریس کلب رجسٹرڈ ہارون آباد ڈاکٹر عارف رضا ملک نے کہا کہ صحافت سچائی، دیانت اور عوامی خدمت کا مقدس فریضہ ہے صحافت کو ریاست کا چوتھا ستون بھی کہا جاتا ہے، اور اپنی اصل روح میں یہ سچائی، دیانت اور عوامی مسائل کی درست عکاسی کا نام ہے۔ ایک ذمہ دار صحافی نہ صرف معاشرے میں شعور بیدار کرتا ہے بلکہ عوام اور حکام کے درمیان ایک مضبوط پل کا کردار بھی ادا کرتا ہے۔موجودہ دور میں جہاں معلومات تک رسائی بے حد آسان ہو چکی ہے، وہیں صحافت کی ذمہ داریاں بھی پہلے سے کہیں زیادہ بڑھ گئی ہیں۔ ایسے میں صحافی کا فرض ہے کہ وہ درست، مستند اور بروقت معلومات عوام تک پہنچانے
مثبت اور تعمیری صحافت معاشرے میں امید، ترقی اور اصلاح کا پیغام دیتی ہے، جبکہ منفی یا بلیک میلنگ پر مبنی صحافت نہ صرف اس مقدس پیشے کی ساکھ کو نقصان پہنچاتی ہے بلکہ عوام کے اعتماد کو بھی مجروح کرتی ہے۔ حقیقی صحافت کا تقاضا ہے کہ خبر کو بغیر کسی ذاتی مفاد، دباؤ یا لالچ کے پیش کیا جائے۔ عوامی مسائل، کرپشن، ناانصافی اور دیگر اہم معاملات کو اجاگر کرنا صحافی کی بنیادی ذمہ داری ہے، تاہم اس کے ساتھ حقائق کی مکمل تصدیق اور متوازن رپورٹنگ بھی انتہائی ضروری ہے۔ صحافت کو ایک مقدس فریضہ سمجھتے ہوئے ایمانداری، غیر جانبداری اور پیشہ ورانہ اصولوں کو اپنانا وقت کی اہم ترین ضرورت ہے۔ مثبت صحافت نہ صرف اداروں کو مضبوط بناتی ہے بلکہ ایک مہذب، باشعور اور ترقی یافتہ معاشرے کی تشکیل میں بھی کلیدی کردار ادا کرتی ہے ضرورت اس امر کی ہے کہ صحافت کو ذاتی مفادات سے پاک رکھتے ہوئے اسے صرف اور صرف عوامی خدمت اور سچ کی تلاش کا ذریعہ بنایا جائے، تاکہ ایک مضبوط، شفاف اور ترقی یافتہ معاشرے کی بنیاد رکھی جا سکے۔
4
