*گورنر سندھ کی سکھر آمد، مرحوم بدر قریشی کے اہلِ خانہ سے تعزیت*
سکھر(بیورو چیف سید نصیر حسین زیدی) گورنر سندھ سید محمد نہال ہاشمی پاکستان مسلم لیگ (ن) کے سینئر رہنما مرحوم بدر قریشی کے انتقال پر اظہارِ افسوس اور تعزیت کے لیے سکھر میں واقع ان کی رہائش گاہ قریشی ہاؤس پہنچےجہاں انہوں نے مرحوم کے صاحبزادے نعیم بدر قریشی سمیت اہلِ خانہ سے ملاقات کی اور گہرے رنج و غم کا اظہار کرتے ہوئے فاتحہ خوانی کی گورنر سندھ نے مرحوم کی مغفرت درجات کی بلندی اور پسماندگان کے لیے صبرِ جمیل کی دعا کرتے ہوئے کہا کہ بدر قریشی ایک مخلص، باوقار اور بااصول سیاسی و سماجی شخصیت تھے جنہوں نے اپنی زندگی عوامی خدمت اور جمہوری اقدار کے فروغ کے لیے وقف کر رکھی تھی، ان کی خدمات کو ہمیشہ یاد رکھا جائے گا اور ان کی کمی مدتوں محسوس کی جاتی رہے گی انہوں نے مزید کہا کہ مرحوم نہ صرف اپنی جماعت بلکہ علاقے کے عوام کے لیے بھی ایک قیمتی اثاثہ تھے، جنہوں نے ہر مشکل وقت میں لوگوں کی رہنمائی کی اور ان کے مسائل کے حل کے لیے نمایاں کردار ادا کیا، ان کی وفات سے پیدا ہونے والا خلا آسانی سے پُر نہیں ہو سکے گا اس موقع پر انڈسٹریز کاٹیج کے بانی معروف سماجی شخصیت حاجی ہارون میمن،جنید شیخ، رشید قریشی اور امداد بلو سمیت دیگر مقامی رہنما اور کارکنان بھی موجود تھے، جنہوں نے اہلِ خانہ کے ساتھ بیٹھ کر مرحوم کے لیے اجتماعی دعا و فاتحہ خوانی کی اور دلی تعزیت کا اظہار کیا۔
8
