نوابشاہ(رپورٹ۔انور عادل خانزادہ) کیریئر کونسلنگ سیشن – بی بی ایس ایچ آر آر ڈی بی ٹریننگ فیز XVI، سائٹ انسٹیٹیوٹ سکرنڈ میں منعقد
بی بی ایس ایچ آر آر ڈی بی (BBSHRRDB) کے زیر اہتمام ٹریننگ فیز XVI کے سلسلے میں سائٹ انسٹیٹیوٹ آف انفارمیشن ٹیکنالوجی سکرنڈ میں ایک کامیاب کیریئر کونسلنگ سیشن منعقد ہوا۔اس موقع پر پروفیسر گل حسن مگسی نے بطور مہمانِ خصوصی شرکت کی۔ انہوں نے اپنے خطاب میں پیشہ ورانہ اور تکنیکی تربیت کی اہمیت پر روشنی ڈالتے ہوئے کہا کہ ہنر مندی نوجوانوں کے لیے روزگار کے مواقع بڑھانے اور صنعت کی ضروریات کے مطابق صلاحیتیں پیدا کرنے میں کلیدی کردار ادا کرتی ہے۔ انہوں نے بی بی ایس ایچ آر آر ڈی بی کے کردار کو سراہتے ہوئے نوجوانوں کو نظم و ضبط، توجہ اور عملی سیکھنے پر زور دیا۔ڈسٹرکٹ کوآرڈینیشن کمیٹی (DCC) بی بی ایس ایچ آر آر ڈی بی شہید بینظیرآباد کے وائس چیئرمین، علی حیدر شاہ نے بھی سیشن میں شرکت کی اور ادارے کی کاوشوں کو سراہتے ہوئے تربیت حاصل کرنے والے نوجوانوں کی حوصلہ افزائی کی۔ڈسٹرکٹ آفیسر بی بی ایس ایچ آر آر ڈی بی شہید بینظیرآباد، نیاز حسین نے شرکاء کو ٹریننگ فیز XVI کے جاری پروگرامز کے بارے میں تفصیلی بریفنگ دی اور نوجوانوں کو پیشہ ورانہ ترقی کے لیے اس موقع سے بھرپور فائدہ اٹھانے کی تلقین کی۔سائٹ انسٹیٹیوٹ سکرنڈ کے ٹرینیز نے سیشن میں بھرپور جوش و خروش کے ساتھ شرکت کی اور سیکھنے میں گہری دلچسپی کا مظاہرہ کیا۔مسائل سے واقف ہیں اور انہیں حل کرنے کے لیے تمام تر وسائل بروئے کار لائے جا رہے ہیں۔
6
