کنٹینٹل بسکٹ لمیٹڈ میں عید الاضحیٰ سے قبل ڈیلی ویجز ملازمین کو بونس کی ادائیگی
کنٹینٹل بسکٹ لمیٹڈ میں عید الاضحیٰ سے قبل ڈیلی ویجز ملازمین کو بونس کی ادائیگی
سکھر(بیورورپورٹ)کنٹینٹل بسکٹ لمیٹڈ (CBL) کے سکھر پلانٹ میں ڈیلی ویجز پر کام کرنے والے ملازمین کو عید الاضحیٰ کی آمد سے قبل خصوصی بونس کی ادائیگی کر دی گئی ہے۔ یہ اقدام محنت کش طبقے کے لیے ریلیف کا باعث بننے کے ساتھ ساتھ ادارے کی ملازم دوست پالیسیوں کا ایک روشن مثال پیش کر رہا ہے۔ذرائع کے مطابق یہ خوش آئند پیش رفت ادارے کے ایڈمن جنرل مینیجر کرنل (ر) شاہد بشیر کی ذاتی دلچسپی، انتھک محنت اور خصوصی کاوشوں کا نتیجہ ہے۔ کرنل (ر) شاہد بشیر نے عید کی تقریبات سے قبل ملازمین کو مالی ریلیف فراہم کرنے کے لیے خصوصی ہدایات جاری کیں اور بونس کی تقسیم کے عمل کو شفاف اور منظم انداز میں مکمل کروایا۔بونس کی رقم مستحق ڈیلی ویجز ملازمین تک بروقت اور بلا تاخیر پہنچائی گئی، جس پر ملازمین نے گہری خوشی اور اطمینان کا اظہار کیا ہے۔ ملازمین کا کہنا ہے کہ عید سے پہلے بونس کی ادائیگی سے انہیں عید کی خریداریوں میں آسانی ہوئی اور وہ اپنے اہلِ خانہ کے ساتھ مکمل اطمینان کے ساتھ عید کی خوشیاں منا سکیں گے۔ایک ملازم نے بتایا، “عید کے موقع پر بونس ملنا ہمارے لیے بہت بڑی خوشخبری ہے۔ اس سے نہ صرف ہماری مالی مشکلات میں کمی آئی بلکہ ادارے پر ہمارا اعتماد بھی بڑھا ہے۔” دوسرے ملازمین نے بھی اس اقدام کو حوصلہ افزا اور اعتماد بحال کرنے والا قرار دیا۔مبصرین اور لیبر حلقوں کا خیال ہے کہ کرنل (ر) شاہد بشیر کی یہ کاوش ذمہ دار، باصلاحیت اور ملازم نواز قیادت کا عملی ثبوت ہے۔ ان کی قیادت میں ادارہ نہ صرف پیداواری صلاحیت بڑھا رہا ہے بلکہ ملازمین کی فلاح و بہبود کو بھی ترجیح دے رہا ہے، جو کہ صنعتی شعبے میں ایک مثالی اقدام ہے۔ادارے کے ترجمان نے بتایا کہ یہ بونس عید کی خوشیوں کو دوبالا کرنے اور ملازمین کی کارکردگی میں اضافے کے لیے ایک مسلسل کوشش کا حصہ ہے۔ مستقبل میں بھی ملازمین کی فلاح کے لیے ایسے اقدامات جاری رکھے جائیں گے۔