سکھر پولیس کی بڑی کارروائی: باگرجی کچے میں ڈاکوؤں کے خلاف ڈرون آپریشن، 3 ہلاک، 25 زخمی
سکھر پولیس کی بڑی کارروائی: باگرجی کچے میں ڈاکوؤں کے خلاف ڈرون آپریشن، 3 ہلاک، 25 زخمی
سکھر (بیورورپورٹ)سکھر پولیس نے باگرجی کچے کے علاقے میں ایک بڑے اور منظم آپریشن کے دوران ڈرون حملے کے ذریعے ڈاکوؤں کے خلاف کارروائی کی، جس میں 3 ڈاکو ہلاک اور 25 زخمی ہوئے۔پولیس کے مطابق اس آپریشن کی قیادت ایس ایس پی سکھر اظہر خان مغل نے خود کی اور ڈاکوؤں کے خلاف مؤثر حکمت عملی تیار کی۔واقعے کے مطابق، پولیس کو اطلاع ملی تھی کہ باگرجی کچے میں ڈاکو شہریوں کے لیے خطرہ بنے ہوئے ہیں اور علاقے میں وارداتیں کر رہے ہیں۔ فوری طور پر آپریشن شروع کیا گیا اور ڈرون حملے کے ذریعے ڈاکوؤں کو گھیر کر کارروائی کی گئی۔پولیس حکام نے بتایا کہ ہلاک اور زخمی ہونے والے ڈاکوؤں کے قبضے سے بڑی مقدار میں اسلحہ، گولہ بارود اور دیگر غیر قانونی سامان بھی برآمد ہوا، جو علاقے میں متعدد وارداتوں میں استعمال ہو رہا تھا۔ ایس ایس پی اظہر خان مغل نے شہریوں کو یقین دہانی کرائی کہ سکھر پولیس علاقے میں امن قائم رکھنے کے لیے ہر ممکن قدم اٹھا رہی ہے اور مجرموں کے خلاف کوئی رعایت نہیں برتی جائے گی۔اس کارروائی کے بعد مقامی لوگوں نے پولیس کی اس مؤثر کارروائی کو سراہا اور علاقے میں امن قائم رکھنے پر ان کا شکریہ ادا کیا۔ پولیس نے مزید کہا کہ باقی مفرور ڈاکوؤں کی تلاش کے لیے چھاپے اور دیگر آپریشنز جاری رہیں گے تاکہ مکمل صفائی ممکن ہو سکے۔
