سکھر۔سنگرار کے قریب واقع گاؤں گٹھن واری کے رہائشی مالوند علی گل مڱریو نے پولیس کے خلاف احتجاج کرتے ہوئے بتایا ہے کہ اکتوبر 2022ء میں
سکھر۔سنگرار کے قریب واقع گاؤں گٹھن واری کے رہائشی مالوند علی گل مڱریو نے پولیس کے خلاف احتجاج کرتے ہوئے بتایا ہے کہ اکتوبر 2022ء میں صالح پٹ تعلقہ کے گاؤں عزیز مڱریو کے رہائشی لیاقت ولد سوڍو مڱریو نے اپنے ساتھیوں عمر، ربنواز اور رضا محمد مڱریو کے ساتھ مل کر اونٹنی کو ویران ریتلے ٹیلوں میں کلہاڑیوں کے وار کر کے ناحق زخمی کیا، جس کے باعث اونٹنی زخموں کی تاب نہ لاتے ہوئے ہلاک ہو گئی۔ اس واقعے کا ابتدائی مقدمہ حد تھانے میں درج کرایا گیا، جس کے بعد ملزمان نے علاقے کے معززین امین علی شاہ اور دیگر کے ذریعے جرگہ کر کے اونٹنی کا معاوضہ رقم کی صورت میں ادا کرنے پر آمادگی ظاہر کی، تاہم بعد ازاں فیصلے کی خلاف ورزی کرتے ہوئے معاوضہ ادا کرنے سے انکار کر دیا۔ انصاف کے حصول کے لیے انہوں نے روہڑی سول کورٹ میں درخواست دائر کی، لیکن عدالت میں صالح پٹ تھانے کے ایس ایچ او نے اونٹنی کے قتل کی رپورٹ پیش کرنے کے بجائے ذاتی جھگڑے کی جھوٹی رپورٹ جمع کرا دی۔ دو سال سے زائد عرصہ گزر جانے کے باوجود انہیں انصاف فراہم نہیں کیا گیا، جبکہ پولیس مبینہ طور پر رشوت لے کر ملزمان کی پشت پناہی کر رہی ہے۔ انہوں نے ڈی آئی جی سکر، ایس ایس پی سکر اور دیگر اعلیٰ حکام سے مطالبہ کیا ہے کہ قتل کی گئی اونٹنی کی خون بہا دلوائی جائے اور انہیں انصاف فراہم کیا جائے۔