*ٹوبہ ٹیک سنگھ میں 12 ربیع الاول کے جلوس کے لیے ریسکیو 1122 کی جامع ایمرجنسی منصوبہ بندی*
*ٹوبہ ٹیک سنگھ میں 12 ربیع الاول کے جلوس کے لیے ریسکیو 1122 کی جامع ایمرجنسی منصوبہ بندی*
ٹوبہ ٹیک سنگھ افضل کھیتران ڈسٹرکٹ بیورو چیف
*”عوام کی خدمت ہمارا اولین فرض ہے۔ آج ہمارا عملہ اپنی پوری صلاحیت کے ساتھ میدان میں ہے تاکہ عاشقانِ رسول کے اس عظیم اجتماع کو محفوظ بنایا جا سکے۔”*
*ڈسٹرکٹ ایمرجنسی آفیسر میاں فراز منیر*
ٹوبہ ٹیک سنگھ میں 12 ربیع الاول کے مقدس موقع پر منعقدہ مرکزی جلوس میں ہزاروں عاشقانِ رسول کی حاضری کو پیشِ نظر رکھتے ہوئے، ریسکیو 1122 نےضلع بھر میں انتہائی جامع اور کثیر الجہتی ایمرجنسی منصوبہ بندی کی، جس کی کمانڈ اور نگرانی ڈسٹرکٹ ایمرجنسی آفیسر میاں فراز منیر کر رہے تھے۔ ان کی قیادت میں ریسکیو 1122 کے عملے نے ایک زبردست اور بھرپور ایمرجنسی کور تشکیل دیا، جس کا بنیادی مقصد جلوس میں شامل افراد کی جان و مال کو کسی بھی ممکنہ خطرے سے محفوظ رکھنا تھا۔ اس سلسلے میں ریسکیو کے تربیت یافتہ اہلکاروں نے ایمرجنسی رسپانس وہیکلز کو جلوس کے اہم مقامات پر اسٹینڈ بائی پر رکھا، جبکہ فرسٹ ایڈ پوسٹس قائم کی گئیں تاکہ کسی بھی طبی ہنگامی صورت حال کو فوری طور پر سنبھالا جا سکے۔ عملے نے نہ صرف طبی امداد کی فراہمی کو یقینی بنایا بلکہ جلوس کے راستے میں آنے والی کسی بھی غیر متوقع رکاوٹ یا حادثے سے نمٹنے کے لیے بھی خود کو تیار رکھا۔ ڈسٹرکٹ ایمرجنسی آفیسرمیاں فراز منیر کی براہِ راست نگرانی اور مستعد قیادت نے یقینی بنایا کہ تمام عملہ اپنے فرائض پر چوکس اور مستعد رہے، جس کے نتیجے میں ایک پرامن، منظم اور محفوظ مذہبی تقریب کا انعقاد ممکن ہوا۔ یہ کوشش ریسکیو 1122 کے عوامی خدمت کے جذبےاور عوام کی سلامتی کے حوالے سے عزم کی بھرپور عکاس تھی۔
*”ہماری ہر کوشش کا مقصد یہی ہے کہ ہمارے شہری بلا خوف و خطر اپنے جذبات کی عکاسی کر سکیں۔ یہ دن ہمارے لیے اعزاز کی بات ہے کہ ہم اس مقدس تقریب کا حصہ ہیں۔”*