اسلام آباد (راجہ نورالہی عاطف سے) فخر سرائیکی وسیب ،نامور قلمکارہ ڈاکٹر سعدیہ کمال کی سالگرہ کی اسلام آباد سمیت سرائیکی وسیب
اسلام آباد (راجہ نورالہی عاطف سے) فخر سرائیکی وسیب ،نامور قلمکارہ ڈاکٹر سعدیہ کمال کی سالگرہ کی اسلام آباد سمیت سرائیکی وسیب میں تقریبات منانے کا سلسلہ جاری ہے ۔ ان تقریبات میں انہیں جنم دن کی مبارکباد دینے کے ساتھ ساتھ ان کے لیے نیک تمناؤں کا اظہار بھی کیا جا رہا ہے ۔ واضح رہے کہ سرائیکی وسیب کی قابل فخر بیٹی ڈاکٹر سعدیہ کمال کا آبائی علاقہ احمد پور شرقیہ /بہاولپور ہے ۔ اللہ تبارک و تعالی ا کی ذات والا صفات نے انہیں اعلی ا صلاحیتیں ودیعت کی ہیں ۔ ڈاکٹر سعدیہ کمال اے پی پی سے وابستہ ہیں اور سرائیکی زبان کی انچارج کی حیثیت سے فرائض سر انجام دے رہی ہیں ۔ آپ پی ایف یو جے ورکرز کی صدر کی حیثیت سے صحافی برادری کے حقوق کے تحفظ کے لیے بھرپور کوشاں نظر آتی ہیں ۔ ڈاکٹر سعدیہ کمال نیشنل پریس کلب اسلام آباد کے لیے بطور سینیئر نائب صدر گرانقدر خدمات سرانجام دے چکی ہیں ۔ آپ اپنی پروقار اور ہردلعزیز شخصیت کی وجہ سے علمی، ادبی اور صحافتی حلقوں میں نہایت عزت و احترام کی نظر سے دیکھی جاتی ہیں ۔