November 16, 2026

علیمہ خان سے اظہارِ یکجہتی کے لیے ممبران قومی اسمبلی کی بڑی تعداد پارلیمنٹ سے اڈیالہ جیل روانہ

20250506_155116

علیمہ خان سے اظہارِ یکجہتی کے لیے ممبران قومی اسمبلی کی بڑی تعداد پارلیمنٹ سے اڈیالہ جیل روانہ

“بیشک ساری قوم عمران خان کی فیملی کے ساتھ کھڑی ہے” — ارکان پارلیمنٹ کا دو ٹوک مؤقف

اسلام آباد (نمائندہ خصوصی) — عمران خان کی بہن علیمہ خان سے اظہارِ یکجہتی کے لیے پارلیمنٹ ہاؤس سے ارکانِ قومی اسمبلی کی بڑی تعداد قافلے کی صورت میں اڈیالہ جیل روانہ ہو گئی۔ یہ قافلہ علیمہ خان کو جیل کے باہر روکے جانے اور ملاقات سے روکنے کے خلاف احتجاج اور حمایت کا مظاہرہ کرنے کے لیے نکالا گیا۔

ارکانِ اسمبلی کا کہنا ہے کہ عمران خان اس قوم کا لیڈر ہے اور اس کی فیملی کو دیوار سے لگانا، پوری قوم کی توہین کے مترادف ہے۔
ایک رکن اسمبلی نے کہا:
“یہ صرف علیمہ خان کے ساتھ اظہارِ یکجہتی نہیں، بلکہ ہر پاکستانی بہن، بیٹی اور ماں کے ساتھ کھڑے ہونے کا پیغام ہے۔”

قافلے میں شامل خواتین ارکان اسمبلی نے خاص طور پر علیمہ خان کے ساتھ کیے جانے والے سلوک کی مذمت کرتے ہوئے کہا کہ اگر عمران خان کا جرم صرف عوام کا درد رکھنا ہے، تو ہم سب اسی جرم میں شریک ہیں۔

ذرائع کے مطابق قافلہ اڈیالہ جیل کے قریب پہنچ چکا ہے، جبکہ پولیس اور رینجرز کو ہائی الرٹ کر دیا گیا ہے۔ سوشل میڈیا پر ہیش ٹیگ #WeStandWithAleema ٹرینڈ کرنے لگا ہے، اور عوام کی بڑی تعداد بھی جیل کے باہر جمع ہو رہی ہے۔

Dua Online News اس صورتحال کی لمحہ بہ لمحہ رپورٹنگ جاری رکھے گا۔