سکھر ۔ بیورو چیف سید نصیر حسین زیدی ۔دعا آن لاین نیوز میئر سکھر اور ڈپٹی کمشنر کا نارہ کینال منصوبے کا دورہ، دنیا کا سب سے بڑا نہری منصوبہ قرار،
سکھر ۔
بیورو چیف سید نصیر حسین زیدی ۔دعا آن لاین نیوز
میئر سکھر اور ڈپٹی کمشنر کا نارہ کینال منصوبے کا دورہ، دنیا کا سب سے بڑا نہری منصوبہ قرار،
میئر سکھر بیرسٹر ارسلان اسلام شیخ اور ڈپٹی کمشنر سکھر ایم بی دھاریجو نے نارہ کینال منصوبے کی لائننگ اور سیمنٹ کانکریٹ (سی سی) کام کا دورہ کیا۔نارا کینال پر ایس ای اشفاق میمن نے بریفننگ دی، میئر سکھر نے 352 فٹ چوڑے اس منصوبے کو دنیا کا سب سے بڑا نہری منصوبہ قرار دیتے ہوئے کہا کہ بھارت کے اندرا گاندھی کینال کا منصوبہ 280 فٹ چوڑا ہے، جو اس کے بعد دوسرے نمبر پر آتا ہے،میئر ارسلان اسلام شیخ نے کہا کہ یہ منصوبہ پاکستان پیپلز پارٹی کے صدر آصف علی زرداری اور چیئرمین بلاول بھٹو زرداری کے خصوصی احکامات پر شروع کیا گیا ہے۔ اس منصوبے کے تحت سکھر بیراج سے نکلنے والے نارہ کینال کے ابتدائی دو کلومیٹر پر لائننگ کا کام کیا جا رہا ہے، جس سے لاکھوں ایکڑ زرعی زمین کو فائدہ ہوگا،انہوں نے مزید کہا کہ منصوبے کی اہمیت کے پیش نظر، ممکن ہے کہ اس کی تکمیل کے لیے چند دنوں کی توسیع کی ضرورت پیش آئے۔ منصوبے کی کامیاب تکمیل کے بعد دیگر کینالز کی لائننگ کے کام پر بھی غور کیا جائے گا، تاکہ مستقبل میں زرعی ترقی ممکن ہو سکے،میئر نے کہا کہ یہ منصوبہ نیسپاک جیسی نمبر ون کمپنی کی زیر نگرانی جاری ہے اور اس کی کارکردگی تسلی بخش ہے۔ کچھ عناصر اس اہم منصوبے کے خلاف پروپیگنڈا کر رہے ہیں، لیکن عوام کے فائدے کے لیے اس منصوبے کو جلد مکمل کیا جائے گا۔
ڈپٹی کمشنر سکھر ایم بی دھاریجو نے بھی اس منصوبے کو علاقائی ترقی کے لیے اہم قرار دیتے ہوئے کہا کہ حکومت سندھ زرعی ترقی اور کسانوں کی خوشحالی کے لیے ایسے بڑے منصوبے مکمل کرنے میں سنجیدہ ہے۔