November 17, 2026

ڈسٹرکٹ کرائم رپورٹر بہاولنگر تنویر حسین کی رپورٹ کے مطابق۔ معجز فاؤنڈیشن اور پی پی اے ایف کی طرف سے ضلع بہاولنگر میں فری میڈیکل کیمپس کا انعقاد پی پی اے ایف کے مالی تعاون سے 600 سے زائد لوگوں کا مفت طبی معائنہ اور ادویات فراہم کی گٸیں۔

IMG-20241111-WA0337

ڈسٹرکٹ کرائم رپورٹر بہاولنگر تنویر حسین کی رپورٹ کے مطابق۔
معجز فاؤنڈیشن اور پی پی اے ایف کی طرف سے ضلع بہاولنگر میں فری میڈیکل کیمپس کا انعقاد
پی پی اے ایف کے مالی تعاون سے 600 سے زائد لوگوں کا مفت طبی معائنہ اور ادویات فراہم کی گٸیں۔
معجز فاؤنڈیشن نے سماجی سہولیات کی بحالی اور استعداد کار برائے موسمیاتی تغیرات کا پراجیکٹ کے تحت پی پی اے ایف کے مالی تعاون سے تین فری میڈیکل کیمپس کا انعقاد 7 نومبر سے 9 نومبر کو کیا۔ ضلع بہاولنگر میں سیلاب سے متاثرہ یونین کونسل شعلی غربی اور مہتہ جھیڈو سے 600 سے زائد لوگوں کو مفت صحت کی خدمات فراہم کی گئیں۔ دونوں یونین کونسل کے گاؤں آڑا، تخوانہ اور ٹھینگی اگرپور کے مرد، خواتین اور بچوں نے میڈیکل کیمپ میں اپنا معائنہ کرایا اور مفت ادویات حاصل کیں۔ اس موقع پر معجز فاؤنڈیشن کے پراجیکٹ کوآرڈینٹر ملک محمد رضوان ریحان نے بتایا کہ مفت میڈیکل کیمپوں کا مقصد کمیونٹیز کی فوری صحت کی دیکھ بھال کی ضروریات کو پورا کرنا، انہیں میڈیکل چیک اپ اور مفت ادویات فراہم کرنا ہے۔ طبی ٹیموں نے، جو کہ قابل صحت نگہداشت کے پیشہ ور افراد پر مشتمل تھے سیلاب سے متاثر ہونے والی افراد جو کہ مختلف بیماریوں کا شکار ہو چکے ہیں ان کا علاج کیا، جن میں پانی سے پیدا ہونے والی بیماریاں، سانس کے مسائل اور جلد کے انفیکشن شامل ہیں۔ سیلاب کے نتیجے میں بنیادی ڈھانچے کی تباہی کی وجہ سے بہت سے رہائشیوں کو صحت کی دیکھ بھال کی سہولیات تک محدود رسائی حاصل تھی، جس سے یہ کیمپ متاثرہ آبادی کے لیے ایک اہم لائف لائن بن گئے ہیں۔ معجزفاؤنڈیشن پی پی اے ایف کے تعاون سے سیلاب سے متاثرہ کمیونٹیز کو بااختیار بنانے کے لیے پرعزم ہے۔ یہ مفت میڈیکل کیمپ ان بہت سے اقدامات میں سے صرف ایک ہیں جو ہم اٹھا رہے ہیں۔ ان کمزور آبادیوں کی صحت کی دیکھ بھال کی فوری ضروریات کو پورا کرنے کے لیے ہم اگست 2025 تک سیلاب سے متاثرہ علاقوں میں مفت طبی خدمات کی فراہمی جاری رکھنے کا ارادہ رکھتے ہیں، اس بات کو یقینی بناتے ہوئے کہ کمیونٹی کے اراکین کو وہ دیکھ بھال اور توجہ ملے جس کے وہ مستحق ہیں۔