November 18, 2026

اسرائیل میں ایک اہم عدالتی پیش رفت کے تحت رولا زحالقہ کو شرعی عدالت کی جج مقرر کر دیا گیا ہے ،

IMG-20260713-WA0203

اسرائیل میں ایک اہم عدالتی پیش رفت کے تحت رولا زحالقہ کو شرعی عدالت کی جج مقرر کر دیا گیا ہے ، جس کے بعد وہ ملک کی شرعی عدلیہ کی تاریخ میں اس منصب پر فائز ہونے والی دوسری خاتون بن گئی ہیں۔
حلف برداری کی تقریب اسرائیلی صدر اسحاق ہرتسوگ کی سرکاری رہائش گاہ پر منعقد ہوئی، جہاں رولا زحالقہ نے عرب شہریوں سے تعلق رکھنے والے چار دیگر نئے ججوں کے ہمراہ اپنے عہدے کا حلف اٹھایا۔
رولا زحالقہ کو یروشلم کی شرعی عدالت کے لیے مقرر کیا گیا ہے۔ یہ تقرری ایسے وقت میں عمل میں آئی ہے جب شرعی ججوں کی تقرری کرنے والی کمیٹی تقریباً دس برس تک غیر فعال رہنے کے بعد دوبارہ فعال ہوئی۔
اسرائیل میں شرعی عدالتیں مسلمان شہریوں کے عائلی معاملات، وراثت اور اوقاف سے متعلق مقدمات کی سماعت کرتی ہیں اور ان امور میں شرعی قوانین کے مطابق فیصلے سناتی ہیں، اس لیے ان کا مسلمان ہونا اس عہدے کی بنیادی شرط ہے۔
رولا زحالقہ کا تعلق اسرائیل کے عرب شہریوں سے ہے۔ ان کی تقرری کو اسرائیل کی شرعی عدلیہ میں خواتین کی نمائندگی کے حوالے سے ایک اہم پیش رفت قرار دیا جا رہا ہے۔