ڈاکٹر ملک محمد وسیم زمان کہاوڑ — خدمت، شرافت اور پیشہ ورانہ دیانت داری کی روشن مثال
خصوصی تحریر: راجہ نورالٰہی عاطف
ضلع خوشاب کی سرزمین نے ہر دور میں ایسی باصلاحیت شخصیات کو جنم دیا ہے جنہوں نے اپنی قابلیت، کردار اور خدمتِ خلق کے جذبے سے نہ صرف اپنے خاندان بلکہ پورے علاقے کا نام روشن کیا۔ انہی ممتاز شخصیات میں ڈاکٹر ملک محمد وسیم زمان کہاوڑ کا نام نمایاں حیثیت رکھتا ہے، جو اپنی پیشہ ورانہ مہارت، اعلیٰ اخلاق اور عوامی خدمت کے جذبے کے باعث عوامی و سماجی حلقوں میں بے حد عزت و احترام کی نگاہ سے دیکھے جاتے ہیں۔
ڈاکٹر ملک محمد وسیم زمان کہاوڑ ضلع خوشاب کے قابلِ فخر سپوت ہیں۔ اللہ تعالیٰ نے انہیں غیر معمولی صلاحیتوں، بہترین قائدانہ اوصاف اور انسان دوستی کے جذبے سے نوازا ہے۔ وہ نہایت خوش اخلاق، ملنسار، بردبار، باوقار اور ہنس مکھ طبیعت کے مالک ہیں۔ ان کی شخصیت میں عاجزی، انکساری اور خدمتِ خلق کا جذبہ نمایاں طور پر نظر آتا ہے، جس کی وجہ سے وہ ہر طبقۂ فکر میں مقبول ہیں۔
ڈاکٹر وسیم زمان ایک معزز اور علمی و سماجی خدمات انجام دینے والے خاندان سے تعلق رکھتے ہیں۔ وہ نامور سینئر قانون دان اور سابق صدر تحصیل بار ایسوسی ایشن نورپور تھل ملک حاجی محمد زمان کہاوڑ کے صاحبزادے ہیں، جبکہ معروف قانون دان ایڈووکیٹ ملک حاجی محمد رمضان کہاوڑ اور ممتاز معلم ملک عبدالرحمان کہاوڑ کے بھتیجے ہیں۔ ان کا تعلق رنگپور بگھور کی معروف کہاوڑ فیملی سے ہے، جو اپنی علمی، سماجی اور فلاحی خدمات کے حوالے سے ایک نمایاں مقام رکھتی ہے۔
ڈاکٹر ملک محمد وسیم زمان کہاوڑ نے اپنی پیشہ ورانہ زندگی کو دکھی انسانیت کی خدمت کے لیے وقف کر رکھا ہے۔ وہ ایک طویل عرصے سے شعبۂ صحت میں اپنی ذمہ داریاں نہایت خلوص اور دیانت داری سے سرانجام دے رہے ہیں۔ بطور ڈپٹی ڈسٹرکٹ ہیلتھ آفیسر ان کی خدمات قابلِ تحسین ہیں۔ انہوں نے صحتِ عامہ کے فروغ، عوام کو طبی سہولیات کی فراہمی اور مختلف طبی منصوبوں کی مؤثر نگرانی کے ذریعے محکمہ صحت میں اپنی صلاحیتوں کا لوہا منوایا ہے۔
ان کی کامیابی کا راز صرف ان کی پیشہ ورانہ مہارت نہیں بلکہ انسان دوستی اور عوامی مسائل کے حل کے لیے ان کی سنجیدہ کاوشیں بھی ہیں۔ وہ اپنے منصب کو صرف ایک ملازمت نہیں بلکہ عوامی خدمت کا ذریعہ سمجھتے ہیں۔ یہی وجہ ہے کہ لوگ انہیں ایک ذمہ دار، فرض شناس اور عوام دوست آفیسر کے طور پر جانتے ہیں۔
ڈاکٹر وسیم زمان کی شخصیت کا ایک اہم پہلو ان کا نرم مزاج اور خوش اخلاق رویہ ہے۔ وہ ہر شخص سے خندہ پیشانی سے ملتے ہیں اور لوگوں کے مسائل کو توجہ سے سنتے ہیں۔ ان کی یہی خوبی انہیں دوسروں سے ممتاز بناتی ہے۔ ان کے دروازے ہمیشہ عوام کے لیے کھلے رہتے ہیں اور وہ اپنی استطاعت کے مطابق ہر ممکن مدد کرنے کی کوشش کرتے ہیں۔
آج کے دور میں جب معاشرے کو مخلص، دیانت دار اور خدمت کے جذبے سے سرشار افراد کی ضرورت ہے، ڈاکٹر ملک محمد وسیم زمان کہاوڑ ایسی شخصیات میں شامل ہیں جو اپنی عملی زندگی سے دوسروں کے لیے ایک روشن مثال قائم کر رہے ہیں۔ ان کی خدمات، کردار اور عوام دوستی یقیناً نوجوان نسل کے لیے مشعلِ راہ ہیں۔
دعا ہے کہ اللہ تعالیٰ ڈاکٹر ملک محمد وسیم زمان کہاوڑ کو صحت، عزت، کامیابی اور مزید خدمتِ خلق کی توفیق عطا فرمائے تاکہ وہ اسی جذبے اور لگن کے ساتھ انسانیت کی خدمت کا سفر جاری رکھ سکیں اور اپنے خاندان، علاقے اور ملک کا نام مزید روشن کریں۔ آمین۔
