ہارون آباد سمیت ضلع بہاولنگر میں چھ لاکھ اکیاون ہزار ایکڑ رقبہ پر کپاس کی کاشت کی گئی ہے۔ کپاس کی فصل کو نقصان دہ کیڑوں سے محفوظ رکھنے اور جدید زرعی طریقوں کے فروغ کے لیے ڈی جی پیسٹ وارننگ اینڈ کوالٹی کنٹرول آف پیسٹیسائیڈز پنجاب ڈاکٹر عامر رسول نے ہارون آباد کا دورہ کیا۔
دورہ کے دوران ڈاکٹر عامر رسول نے کپاس کے کھیتوں کا معائنہ کیا اور فصل کی صورتحال کا جائزہ لیا۔ انہوں نے کاشتکاروں کو ہدایت کی کہ فصل کی باقاعدہ نگرانی، متوازن کھادوں کے استعمال اور نقصان دہ کیڑوں کے بروقت تدارک پر خصوصی توجہ دی جائے۔ اس موقع پر انہوں نے کہا کہ جدید زرعی طریقوں کو اپنانے سے کپاس کی پیداوار میں اضافہ اور کاشتکاروں کی آمدن بہتر بنائی جا سکتی ہے۔
۔۔۔۔۔ نیوز، ہارون آباد۔
