سکھر: سیپکو کی مبینہ زیادتیوں کے خلاف تحریک نفاذ فقریہ جعافریہ کے رہنما کی شدید احتجاجی پریس کانفرنس
سکھر (۔ بیورو چیف سید نصیر حسین زیدی دعا ان لاین نیوز ) تحریک نفاذ فقریہ جعافریہ صوبائی نائب صدر سندھ کے ڈپٹی ناظمِ العمور نیاز حسین نوناری نے درگاہ درِ عباس، ایئرپورٹ روڈ سکھر میں ہنگامی پریس کانفرنس کرتے ہوئے سیپکو حکام کے خلاف شدید احتجاج ریکارڈ کرایا۔ انہوں نے الزام عائد کیا کہ سیپکو کے بعض اہلکار ذاتی اختلافات اور فرقہ وارانہ تعصب کی بنیاد پر انہیں مسلسل ہراساں کر رہے ہیں، نیاز حسین نوناری نے کہا کہ سیپکو ملازم خلیل ڈومکی اور ایس ڈی او نواز شریف مبینہ طور پر اختیارات کا ناجائز استعمال کرتے ہوئے انہیں ذہنی اذیت پہنچا رہے ہیں، انہوں نے دعویٰ کیا کہ ان کے ٹرانسفارمر اور بجلی کے میٹر کو نقصان پہنچایا گیا، جبکہ بجلی کی زیرو ریڈنگ ہونے کے باوجود بھاری بل بھی ارسال کیے جا رہے ہیں، انہوں نے اعلیٰ حکام، وزارتِ توانائی اور متعلقہ تحقیقاتی اداروں سے مطالبہ کیا کہ واقعے کا فوری نوٹس لے کر ملوث اہلکاروں کے خلاف شفاف تحقیقات کی جائیں اور انہیں انصاف فراہم کیا جائے، پریس کانفرنس کے دوران نیاز حسین نوناری نے خبردار کیا کہ اگر ان کے مطالبات تسلیم نہ کیے گئے تو احتجاجی تحریک کا دائرہ وسیع کرتے ہوئے ضلع سطح سے پورے سندھ اور پھر ملک گیر احتجاج کیا جائے گا۔ انہوں نے اعلان کیا کہ آئندہ مرحلے میں وزیرِ توانائی اویس لغاری کی رہائش گاہ کے سامنے دھرنا بھی دیا جا سکتا ہے، انہوں نے کہا کہ عوام کو بلاجواز اضافی بلوں اور ادارہ جاتی زیادتیوں سے تحفظ فراہم کرنا حکومت کی ذمہ داری ہے، اور اگر فوری اقدامات نہ کیے گئے تو عوامی ردِعمل مزید شدت اختیار کر سکتا ہے۔
