*ایرانی پاسدارانِ انقلاب نے صوبہ زنجان میں 3 امریکی بنکر شکن بم تباہ کر نے جبکہ ایک اور بم کو ناکارہ بنا کر محفوظ مقام پر منتقل کرنے کا دعویٰ کیا ہے۔*
پاسدارانِ انقلاب کے شعبہ تعلقات عامہ کے مطابق کارروائیوں کے دوران 3 عدد GBU-57 بنکر بسٹر بموں کو تباہ کیا گیا جبکہ ایک اور GBU-57 بم کو ناکارہ بنا کر متعلقہ حکام کے حوالے کیا گیا۔
خیال رہے کہ GBU-57 کو دنیا کا سب سے بڑا غیر جوہری بم کہا جاتا ہے، یہ تقریباً 30 ہزار پاؤنڈ وزنی ہتھیار ہے جو زمین کے اندر گہرائی میں موجود تنصیبات کو تباہ کرنے کے لیے تیار کیا گیا ہے۔
پاسدارانِ انقلاب کے مطابق کارروائیوں کے دوران دشمن طیاروں کی جانب سے گرائے گئے 9 ہزار 500 سے زائد دیگر بم بھی تلاش کر کے ناکارہ بنا دیے گئے۔
خیال رہےکہ امریکا نے گزشتہ برس 12 روزہ جنگ کے دوران بھی ایرانی جوہری تنصیبات پر GBU-57 بموں سے حملہ کیا تھا۔
