بہاولنگر۔۔۔۔۔۔ڈپٹی کمشنر ذوالفقار احمد بھون کا ڈی ایچ کیو ہسپتال کا ڈاکٹر عامر رضا کے ہمراہ تفصیلی دورہ، طبی سہولیات کا جائزہ
بہاولنگر: ڈپٹی کمشنر ذوالفقار احمد بھون نے ڈسٹرکٹ ہیڈ کوارٹر (ڈی ایچ کیو) ہسپتال کا اچانک دورہ کیا جہاں انہوں نے مریضوں کو فراہم کی جانے والی طبی سہولیات، صفائی کی صورتحال اور ادویات کی دستیابی کا تفصیلی جائزہ لیا۔
ڈپٹی کمشنر نے مختلف وارڈز کا معائنہ کیا اور زیر علاج مریضوں سے ملاقات کر کے علاج معالجہ کے حوالے سے دریافت کیا۔ انہوں نے ہسپتال میں صفائی ستھرائی کے معیار کو مزید بہتر بنانے اور مریضوں کو ہر ممکن سہولت فراہم کرنے کی ہدایات جاری کیں۔
اس موقع پر ڈپٹی کمشنر نے ایمرجنسی، لیبارٹری، فارمیسی اور دیگر شعبہ جات کا بھی دورہ کیا اور ڈاکٹرز و عملے کی حاضری چیک کی۔ انہوں نے متعلقہ افسران کو ہدایت کی کہ ادویات کی کمی ہرگز برداشت نہیں کی جائے گی اور مریضوں کے ساتھ خوش اخلاقی کو یقینی بنایا جائے۔
ڈپٹی کمشنر کا کہنا تھا کہ حکومت پنجاب عوام کو بہتر طبی سہولیات فراہم کرنے کے لیے پرعزم ہے اور اس سلسلے میں کسی قسم کی غفلت برداشت نہیں کی جائے گی۔
دورے کے دوران ایم ایس ہسپتال اور دیگر متعلقہ افسران بھی ان کے ہمراہ موجود تھے جنہوں نے ہسپتال کی کارکردگی پر بریفنگ دی۔
18
