این سی ایچ ڈی اور اسلامیہ کالج پشاور کے درمیان مفاہمتی یادداشت پر دستخط۔
این سی ایچ ڈی اور اسلامیہ کالج پشاور کے درمیان مفاہمتی یادداشت پر دستخط۔
یاد رہے کہ یہ معاہدہ ہائر ایجوکیشن کمیشن کی ہدایات کے مطابق طے پایا۔
پشاور (نمائندہ خصوصی)گلوبل ٹائمز میڈیا یورپ کے مطابق نیشنل کمیشن فار ہیومن ڈویلپمنٹ اور اسلامیہ کالج پشاور کے درمیان شرح خواندگی میں اضافے کے لیے معاہدہ ہو گیا، یہ معاہدہ ہائر ایجوکیشن کمیشن کی ہدایات کے مطابق طے پایا، جس کے تحت طلبہ کو سماجی خدمات خصوصاً “Each One Teaches One” پروگرام میں فعال کردار ادا کرنے کا موقع فراہم کیا جائے گا۔اس پروگرام کا آغاز 2024 میں وزیرِاعظم پاکستان کی جانب سے اعلان کردہ تعلیمی ہنگامی صورتحال کے تناظر میں کیا گیا، جس کا مقصد ملک بھر میں ناخواندگی کے خاتمے کے لیے اجتماعی کاوشوں کو فروغ دینا ہے۔مفاہمتی یادداشت پر این سی ایچ ڈی کے ڈائریکٹر آپریشنز انور اقبال اور اسلامیہ کالج پشاور کے وائس چانسلر پروفیسر ڈاکٹر احمد الرحمن سلجوقی نے دستخط کیے۔تقریب میں رجسٹرار ڈاکٹر منصور جلالی اور اسٹیٹ آفیسر جنید محمود، جامعہ کے فیکلٹی اراکین، جبکہ این سی ایچ ڈی کی جانب سے شمس خان، اعجاز خان اور ابراہیم جان بھی شریک تھے۔اس موقع پر مقررین نے اس عزم کا اظہار کیا کہ تعلیمی اداروں اور قومی اداروں کے مابین اس نوعیت کے اشتراک سے نہ صرف شرحِ خواندگی میں اضافہ ہوگا بلکہ نوجوان نسل میں سماجی ذمہ داری اور قومی خدمت کا شعور بھی فروغ پائے گا۔یہ اقدام تعلیم کے ذریعے معاشرتی بہتری اور پائیدار ترقی کے مشترکہ وژن کی عکاسی کرتا ہے۔