سکھر (رپورٹ یار محمد سومرو) 22 اپریل کو دنیا بھر میں (یومِ ارض) منایا گیا جس کا مقصد ماحول کے تحفظ، آلودگی کے خاتمے اور زمین کو درپیش خطرات کے بارے میں عوام میں شعور بیدار کرنا ہے۔یومِ ارض پہلی بار 1970 میں منایا گیا تھا، اور اب یہ دن دنیا کے 190 سے زائد ممالک میں باقاعدگی سے منایا جاتا ہے۔ اس موقع پر مختلف سرکاری و نجی اداروں، تعلیمی اداروں اور سماجی تنظیموں کی جانب سے شجرکاری مہمات، سیمینارز، واکس اور آگاہی پروگرامز کا انعقاد کیا جاتا ہے۔ماہرینِ ماحولیات کا کہنا ہے کہ ماحولیاتی آلودگی، جنگلات کی کٹائی، اور موسمیاتی تبدیلی جیسے مسائل انسانی زندگی کے لیے سنگین خطرات بن چکے ہیں، جن سے نمٹنے کے لیے اجتماعی کوششیں ناگزیر ہیں۔ انہوں نے عوام پر زور دیا کہ وہ اپنے روزمرہ معمولات میں ماحول دوست اقدامات اپنائیں، جیسے پانی اور بجلی کی بچت، پلاسٹک کے استعمال میں کمی، اور زیادہ سے زیادہ درخت لگانا۔سکھر سمیت ملک بھر میں ارتھ ڈے منایا گیا،محکمہ ماحولیات و سکھر میونسپل کارپوریشن اور ٹی ایم سییز کی جانب سے شہریوں کو ماحول کی حفاظت کی اہمیت سے آگاہ کیا۔ اس عزم کا اظہار کیا کہ آنے والی نسلوں کے لیے صاف اور محفوظ ماحول کو یقینی بنانے کے لیے ہر ممکن اقدامات کیے جائیں گے۔یومِ ارض ہمیں یہ یاد دلاتا ہے کہ زمین ہماری مشترکہ ذمہ داری ہے، اور اس کی حفاظت کے لیے ہر فرد کو اپنا کردار ادا کرنا ہوگا۔
10
